اسرائیل نینگ غزه گه اویوشتیرگن هجوملری نتیجه‌سیده، کمیده ۴۳ کیشی قربان بولیب و اونلب کیشی یره‌لنگن.
الجزیره ترماغی نینگ گزارشی اساسیده، مذکور کیشیلر اوتگن کونی اسرائیل اردوسی نینگ نوار غزه گه اویوشتیرگن هجوملریده قربان بولگن.
بیزلرنینگ «ایکس» ترماغی ده هم تعقیب قیلینگ!
گزارش‌ده کیلیشیچه، بوکیشیلردن ۱۰ ته‌سی غزه شهری‌ده‌‌گی «شاطی» آواره‌لر کمپی‌ده جایلشگن بیر مکتب گه اویوشتیرگن هجوم نتیجه‌سیده قربان بولگن.
باشقه بیر تاماندن، اسرائیل نینگ اعلام قیلیشیچه، نوار غزه ده‌گی توقنشوولرده بیر عسکری هلاک بولگن.
اسرائیل اردوسی بیر بیانیه آرقه‌لی اعلام قیلیشیچه، مذکور ۲۱ یاشر عسکر اوتگن کونی غزه شمالی‌ده‌گی توقنشوولرده هلاک بولگن.
بیزلرنینگ فیسبوک صحیفه‌میزگه باش اورینگ!
غزه ده‌گی توقنشولر برابریده خلق‌ارا مخالفتلر بیلن بیرگه، اسرائیل و حماس آره‌سیده اوروش نینگ دوامی بار و آتیش کیسین برقرار ایتیلیشی اوچون سعی‌وحرکتلر نتیجه بیرمه‌گن.
فلسطین ساغیلق‌نی سقلش وزیرلیگی آرقه‌لی اوزه‌تیلگن معلومات‌لر گه کوره، اسرائیل و حماس آره‌سیده‌گی توقنشوولردن ۱۳ آی اوتیب و بو مدت‌ده، فلسطین یشاوچیلریدن ۴۳ مینگ ۷۰۰ دن آرتیق کیشی قربان بولیب و ۱۰۳ مینگ ۶۰۰ کیشی ایسه یره‌لنگن. بو بیلن بیرگه، غزه ده‌گی توقنشوولرده اسرائیل نینگ ۳۷۶ عسکری هلاک بولگن.
