فلسطین ساغلیق‌نی سقلش رسمی‌لری نینگ اعلام قیلیشلریچه، اسرائیل نینگ غزه گه اویوشتیرگن هجوملری عاقبتیده، باله‌لر شامل کمیده ۴۰ کیشی قربان بولیب و اونلب کیشی ایسه یره‌لنگن.
رویترز آژانسی نینگ گزارش بیریشیچه، مذکور کیشیلر اوتگن کونی اسرائیل اردوسی نینگ غزه بویلب اویوشتیرگن هجوملری عاقبتیده قربان بولگن.
بیزلرنینگ فیسبوک صحیفه‌میزگه باش اورینگ!
گزارش‌ده کیلیشیچه، بو کیشیلردن ۲۰ ته‌سی اسرائیل نینگ غزه شمالی‌ده جایلشگن «جبالیا» منطقه‌سیده‌گی یشش بیر بنا گه اویوشتیرگن هجومی‌ده قربان بولگن.
بیراق اسرائیل اردوسی نینگ اعلام قیلیشیچه، جبالیا ده «ترورچیلر» نینگ عملیات اویوشتیره‌دیگن جای نی نشان گه آلگن.
یاردم بیرووچی گروه‌لر، جبالیا منطقه‌سی بیلن غزه شمالیده‌گی باشقه بولیم‌لر نینگ اکتبر آیی بیرینچی کونلریدن حاضرگچه، اسرائیل اردوسی باشقیرووی گه اوتگنی نی اعلام قیلگن.
بیزلرنینگ «ایکس» ترماغی ده هم تعقیب قیلینگ!
اسرائیل و حماس آره‌سیده‌گی توقنشوولر نینگ باشلنگنی‌دن ۴۰۰ کون اوتگن و بو مدت‌ده، غزه ده توقنشوولر نینگ توخته‌تیلیشی اوچون بولگن سعی‌وحرکتلر نتیجه بیرمه‌گن. ینگی‌لیکده اسرائیل و حماس آره‌سیده‌گی واسطه‌چیلردن بیری بولمیش قطر، غزه ده آتیش کیسین برقرار ایتیلیشی و گروگانلر نینگ قوییب یوباریلیشی اوچون بولگن سعی‌وحرکتلری نی وقتنیچه‌لیک شکلده توخته‌تگنینی اعلام قیلگن.
فلسطین ساغلیق‌نی سقلش وزیرلیگی نینگ ایتیشیچه، اسرائیل و حماس آره‌سیده‌گی توقنشوولر نینگ باشلنگنی‌دن بیری، ۴۳ مینگ ۶۰۳ فلسطین‌لیک قربان بولیب و ۱۰۲ مینگ ۱۳۹ کیشی یره‌لنگن.
