فلسطین ساغلیق‌نی سقلش رسمی‌لری‌نینگ اعلام قیلیشلریچه، غزه‌نینگ بیر قطار بولیم‌لری گه اسرائیل آرقه‌لی اویوشتیریلگن هجوم‌لر نتیجه‌سیده، ۳۶ کیشی قربان بولیب و اونلب کیشی ایسه یره‌لنگن.
مذکور کیشی‌لر اوتگن کونی اسرائیل اردوسی آرقه‌لی نوار غزه‌نینگ تورلی بولیم‌لری گه اویوشتیریلگن هجوم‌لرده قربان بولگنلر.
بیزلرنینگ فیسبوک صحیفه‌میزگه باش اورینگ!
بو بیلن بیرگه، فلسطین ساغلیق‌نی سقلش وزیرلیگی‌نینگ اعلام قیلیشیجه، اسرائیل اردوسی نوار غزه ده جایلشگن کمال عدوان کسل‌خانه‌سیگه اویوشتیرگن بیر عملیات‌دن کیین، بو کسل‌خانه‌‌نینگ ساغلیق خادم‌‌لری شامل ۲۴۰ فلسطینلیک نی قولگه آلگن.
خلق‌ارا ساغلیق‌نی سقلش تشکیلاتی، کمال عدوان کسل‌خانه‌سیگه اسرائیل هجومی‌نی قاره‌ب و اعلام قیلیشیچه، غزه‌نینگ ساغلیق سکتوری‌نی سیستماتیک شکلده اوچیریلیشی، ۷۵ مینگ‌دن آرتیق فلسطینلیک حیاتی‌نی خوف بیلن روپه‌ره قیله‌دی.
بیزلرنینگ «ایکس» ترماغی ده هم تعقیب قیلینگ!
غزه ده آتیش کیسین برقرار ایتیلیشی اوچون بولگن سعی‌وحرکتلر و اسرائیل و حماس آره‌سیده‌گی توقنشوولر‌گه خلق‌ارا مخالفت‌لر بیلن، بیراق غزه ده اوروش یکونلنمه‌گن.
فلسطین ساغلیق‌نی سقلش وزیرلیگی‌نینگ اعلام قیلیشیچه، اسرائیل و حماس آره‌سیده‌گی توقنشوولر باشلنگنی‌دن بویان، فلسطینلیک ۴۵ مینگ ۴۸۴ کیشی قربان بولیب و ۱۰۸ مینگ ۹۰ کیشی یره‌لنگن. شونینگدیک بو مدت‌ده ۷۰۰دن آرتیق اسرائیل عسکری هلاک بولگن.