اسرائیل اردوسی‌نینگ اۉتگن ۲۴ ساعت ایچیده لبنان‌ده کېتمه-کیت هجوملری عاقبتیده ۵۰ کیشی هلاک بولگن.
رویترز آژانسی ۲-قوس، جمعه کونی ترقه‌تگن گزارشی‌ده، اسرائیل اردوسی اۉتگن ۲۴ ساعت ایچیده لبنان‌نینگ تورلی منطقه‌لریده ۱۲ مراتبه هجوم اویوشتیرگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
رویترزنینگ معلوماتی اساسیده، اوشبو هجوملر عاقبتیده لبنان‌لیک ۵۰ کیشی قربان بولگن.
اسرائیل اردوسی، لبنان‌نینگ تورلی حدودلریده اویوشتیریلگن بو هجوملر عاقبتیده حزب‌الله گه عاید آست قورمه‌لر و قوماندان‌لیک مرکزلری نشانگه آلینگنینی ادعا قیلگن.
عین‌حالده، حزب‌الله لبنان هم اسرائیل‌نینگ شمالی حدودلریده نیچه راکته هجوم اویوشتیرگنینی اېتگن.
بیزلرنینگ «ایکس» ترماغی ده هم تعقیب قیلینگ!
اسرائیل اردوسی اوشبو هجوملرنی تصدیقلسه‌ده، بیراق بو راکته‌لرنینگ کوپینچه‌سی خنثا قیلینگنینی معلوم قیلگن.
حزب‌الله لبنان تامانیدن آتیلگن مذکور راکته‌لرنینگ احتمالی تلفاتی و زیانلری حقیده حاضرگچه هېچ نرسه دییلمه‌گن.
معلومات‌لر اساسیده، اسرائیل و حزب‌الله لبنان اۉرته‌سیده توقنشوولر باشلنگنیدن بیری لبنان‌ده حاضرگه قدر اوچ مینگ ۵۰۰ دن کوپراق کیشی قربان بولگنی اېتیله‌دی.