اوتگن ۲۴ ساعتده نوار غزه گه اسرائیلنینگ اویوشتیرگن هجوملریده، کمیده ۹۱ فلسطینلیک قربان بولیب و باشقه اونلب کیشی یرهلنگن.
الجزیرهنینگ بوگون (۶-میزان، یکشنبه)، گزارش بیریشیچه، اسرائیل نوار غزه گه هوا و ییر هجوملرینی کوچهیتیرگن.
فلسطین دولتی ییتکرمهلر ادارهسی بیر بیانیه آرقهلی یازیشیچه، تلفاتدن قریب یریمی بوندن آلدین اسرائیل اردوسی آرقهلی «تینچ» دیب اعلام بولگن منطقهلرده یوز بیرگن.
بیانیه اساسیده، ۱۱-اگست ده غزه شهرینینگ جبری شکلده بوشهتیلیشی باشلنگنیدن بویان اسرائیلنینگ اویوشتیرگن هجوملری نتیجهسیده، مرکزی و جنوبی بولیملرده قریب بیر مینگ ۹۰۳ فلسطینلیک قربان بولگن که بو رقم، اوشبو مدتده توپلم تلفاتنینگ ۴۶ فایزیگه تینگ دیر. فلسطین دولتی ییتکرمهلر ادارهسی، اسرائیلنی «جمعیت فکرینی اَلدهش» گه عیبلب و اورغولشیچه، تینچ اهالی قصدی شکلده نشانگه آلینگن.
فلسطین ساغلیقنی سقلش وزیرلیگینینگ معلوماتی اساسیده، نوار غزه ده اسرائیلنینگ قریب ایکی ییللیک اوروشی عاقبتیده، ۶۵ مینگدن آرتیق فلسطینلیک قربان بولیب و بو منطقهنینگ بیر بولیمی ایسه قحطچیلیک بیلن روپهره دیر.
