ینگیلیکده لبنان جنوبیگه اسرائیلنینگ اویوشتیرگن هجوملری نتیجهسیده، کمیده ۱۸ کیشی قربان بولیب و مارچ آییدن حاضرگچه اوشبو هجوملر قربانلرینینگ توپلم سانی ۲ مینگ کیشیدن آشگن.
الجزیرهنینگ بوگون (۲۳-حمل/۱۲-اپریل، یکشنبه)، لبنان ساغلیقنی سقلش وزیرلیگیدن نقل قیلیب گزارش بیریشیچه، ۲-مارچ ده مذکور مملکتنینگ ایران گه قرشی امریکا و اسرائیل اوروشیگه تارتیلگنیدن بویان، کمیده ایکیمینگ ۲۰ کیشی اولیب و آلتی کینگ ۴۳۶ کیشی یرهلنگن.
اوشبو هجوملر، حزبالله ینه بیر مرته اوروش یکونلنیشی اوچون اسرائیل و لبنان آرهسیده توغریدن-توغری مذاکرهلر اوتکزیلیشیگه قرشیلیگینی بیلدیرگنی بیرحالده، دوام قیلماقده.
لبنان جمهور باشلیغی جوزف عون ادارهسی جمعه کونی، لبنان، اسرائیل و امریکا رسمیلرینینگ «امریکا نظارتی آستیده لبنان و اسرائیل آرهسیدهگی مذاکرهلر باشلنیشی وقتینی تعیینلش و آتیش کیسیننی اعلام قیلیش مسئلهسیده» مصلحتلشیش اوچون کیلهسی هفته واشینگتن ده اوچرهشیشلرینی معلوم قیلگن ایدی.
بوندن آلدین، لبنان پارلمانیده حزبالله وکیلی حسن فضلالله، اسرائیل بیلن مستقیم مذاکرهلر اوتکزیلیشی توغریسیدهگی قرارنی «لبنان قانونلری، اساسی قانون و ملی کیلیشووینی آچیق-آیدین بوزیلیش» دیگن ایدی.
اسرائیل باشوزیری بنیامین نتانیاهونینگ ایتیشیچه، لبنان بیلن هر قندهی کیلیشوو، «نسللر اوچون دوام قیلیب» و شونینگدیک حزباللهنینگ قورالسیزلشتیریلیش هم شامل بولیشی کیرهک.
مذکور هفتهده امریکا و ایران آرهسیده آتیش کیسین اعلام بولگچ، واشینگتن و تهران لبنان گه قرشی اسرائیل هجوملرینینگ اوشبو آتیش کیسینگه کیریب و کیرمسلیگی مسئلهسیده کیلیشماوچیلیکده دیر.
