فلسطین ده ساغلیقنی سقلش منبعلرنینگ اعلام قیلیشیچه، اسرائیل آرقهلی نوار غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۹۱ کیشی اولیب و اونلب کیشی یرهلنگن.
خلقارا ییتکرمهلرنینگ گزارش بیریشیچه، اوشبو کیشیلر اوتگن کونی (۲۹-سنبله، شنبه)، اسرائیل اردوسینینگ غزه گه اویوشتیرگن ییر و هوا هجوملریده قربان بولگنلر.
بیزلرنینگ «ایکس» ترماغی ده هم تعقیب قیلینگ!
بو بیلن بیرگه، اسرائیل غزه شهری نظارتینی قولگه کیلتیریش مقصد، ییر و هوا هجوملرینی کوچهیتیرگن.
اسرائیل اردوسینینگ اعلام قیلیشیچه، اوتگن ۲۰ کون ایچیده غزه شهریده ۲۰ دن آرتیق یشش بنانی ویران قیلیب و ۵۰۰ مینگدن آرتیق کیشینی بو شهردن چیقرگن.
بیزلرنینگ فیسبوک صحیفهمیزگه باش اورینگ!
بریتانیا و کانادا شامل ۱۰ دن آرتیق مملکت دوشنبه کونی فلسطیننی مستقل بیر مملکت اولهراق تن آلیشلری ممکن بولگنی بیرحالده، غزه گه اسرائیل هجوملرینینگ دوامی بار.
حماس و اسرائیل آرهسیدهگی اوروشدن قریب ایکی ییل بولگن و فلسطین ساغلیقنی سقلش وزیرلیگینینگ معلوماتی اساسیده، بو مدتده فلسطینلیک ۶۵ مینگدن آرتیق کیشی قربان بولیب و ۱۶۴ مینگدن آرتیق کیشی یرهلنگن.
