فلسطین ساغلیقنی سقلش رسمیلرینینگ اعلام قیلیشیچه، نوار غزه گه اسرائیل آرقهلی اویوشتیریلگن هجوم نتیجهسیده، ایکی کیشی قربان بولگن.
خلقارا ییتکرمهلرنینگ گزارش بیریشیچه، اوشبو کیشیلر اوتگن کون غزه شهریده جایلشگن بیر اویگه اسرائیل اردوسینینگ اویوشتیرگن هوا هجومی نتیجهسیده قربان بولگن. گزارشلر اساسیده، غزه شهریگه اسرائیل هجومیده، باشقه نیچه فلسطینلیک یرهلنگن.
اسرائیلنینگ اعلام قیلیشیچه، مذکور هجوم حماس آرقهلی کوچلرینینگ نشانگه آلینگنیگه جواب اولهراق عملگه آشیریلگن. اسرائیلنینگ ادعا قیلیشیچه، حماس کوچلری چهارشنبه کونی اوشبو مملکت کوچلری تامان اوق آتگن.
اوتگن ییل اکتبر آییده اسرائیل و حماس آرهسیده آتیش کیسین برقرار بولگنی بیلن، ایکی تامان آرهسیده توقنشوولر توختمهی و هر بیرینینگ آتیش کیسیننی بوزیشگه عیبلماقده.
فلسطین ساغلیقنی سقلش وزیرلیگینینگ معلوماتی اساسیده، اسرائیل و حماس آرهسیده آتیش کیسین باشلنگنیدن بویان، ۴۰۰ دن آرتیق فلسطینلیک قربان بولگن. شونینگدیک اسرائیل حماس بیلن آتیش کیسینگه کیلیشگنیدن کیین اوچ عسکرینی قولدن بیرگن.
