اسرائیل آرقهلی لبناننینگ جنوبی منطقهلری و سوریه-لبنان چیگره قتناو یوللری نشانگه آلینگنی نتیجهسیده، کمیده ایکی کیشی اولیب و باشقه ۱۹ کیشی یرهلنگن.
خلقارا ییتکرمهلرنینگ بوگون (پنجشنبه، ۲۲-جنوری/ ۲-دلو)، اسرائیل رسمیلریدن نقل قیلیب گزارش بیریشیچه، حزباللهنینگ قورال-یراغ تاشیش مرکزلرینی نشانگه آلگن.
شوندهی بیرحالده، لبنان رسمیلرینینگ ایتیشلریچه، اسرائیل تینچاهالی بولگن و یشش منطقهلرنی بمباردمان قیلگن.
لبنان جمهور باشلیغی ژوزف عون، اسرائیل آرقهلی مملکتینینگ بیر قطار بولیملریگه اویوشتیریلگن هجوملرنی، «ریجهلشتیریلگن بیر هجوم» و ۲۰۲۴-ییل نوامبر آییده اسرائیل و حزبالله آرهسیده برقرار بولگن آتیش کیسیننی بوزیش عنوان قیلگن.
آتیش کیسین برقرار بولگنی بیلن بیرگه، اسرائیل سونگی آیلرده لبناننینگ بیر قطار بولیملریگه هوا هجوملرینی اویوشتیرگن که نتیجهده، بیر قطار کیشی اولیب و یرهلنگن.
