فلسطین ده ساغلیقنی سقلش رسمیلرینینگ اعلام قیلیشلریچه، نوار غزهنینگ بیر قطار بولیملریگه اسرائیل آرقهلی اویوشتیریلگن هجوملرده، کمیده ۶۲ کیشی قربان بولیب و اونلب کیشی یرهلنگن.
الجزیرهنینگ گزارش بیریشیچه، مذکور کیشیلر اوتگن کونی اسرائیل اردوسی آرقهلی غزهنینگ بیر قطار بولیملریگه اویوشتیریلگن هجوملر نتیجهسیده قربان بولگنلر.
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، اسرائیل اردوسی غزه شهرینی نظارتگه آلیش اوچون ییر عملیاتلرینی باشلهب و یشاوچیلردن اوشبو شهردن چیقیشلرینی ایستهگن. مذکور عملیات امریکا تشقی ایشلر وزیری مارکو روبیو بیلن اسرائیل باش وزیری بنیامین نتانیاهونینگ اوچرهشگنیدن کیین باشلنگن.
اسرائیل باش وزیرینینگ اعلام قیلیشیچه، بو عملیات حماسنینگ اورتهدن کیتگزیش مقصد عملگه آشیریلگن.
بیزلرنینگ فیسبوک صحیفهمیزگه باش اورینگ!
آتیش کیسین اوچون بیر قطار سعیوحرکتلر و اسرائیل بیلن حماس آرهسیدهگی کیسکینلیکلر توغریسیده خلقارا مخالفتلر بولگنی بیلن، بیراق غزه ده اوروش کوچهیگن.
حماس و اسرائیل آرهسیده اوروش باشلنگنیدن قریب ایکی ییل اوتگن و ساغلیقنی سقلش وزیرلیگینینگ ایتیشیچه، بو مدتده، ۶۴ مینگ ۸۷۱ کیشی قربان بولیب و ۱۶۴ مینگ ۶۱۰ کیشی یرهلنگن.
