اسلام امیرلیگی، سه‌شنبه کونی، ۲۴ اسد، افغانستان ده حاکمیت گه ایریشیش ایکینچی ییل‌لیگیدن نشانله‌دی. ۱۵ آگست، اسلام امیرلیگی نینگ قدرت گه ایریشیش ایکینچی ییل‌لیگی، ایچکی و خارجی ایریم مناسبت‌لر بیلن روپه‌ره بولگن.
چین تشقی ایشلر وزیرلیگی، اوشبو کوننی افغانستان خلقی اوچون تاریخی کون عنوان قیلگن بیراق ایش بیلرمان‌لر نینگ ایشانچی گه کوره، چین امریکا حربی کوچلری افغانستان نی ترک ایتیش و اوشبو مملکت برابری ده غلبه قازانیش حسی بیلن مناسبت بیلدیرگن.
سیاسی ایش بیلرمان ویس ناصری نینگ ایتیشیچه: «چین ۱۵ آگست نی تاریخی کون عنوان قیلگن، افغانستان اسلام امیرلیگی دولتینی تن آلیش گه تیار ایمس و بیرلشگن ملت‌لر تشکیلاتی ده افغانستان باره‌سیده گزارش‌لرنی هردایم تصدیقله‌گن.»
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان‌لردن باشقه بیری طارق فرهادی گه کوره: «چین امریکا نینگ چیقیشیدن خورسند دیر، چین بوتوغریده هیچ قنده‌ی پول صرفله‌مسدن امریکا اوزی افغانستان نی ترک ایتدی.»
مهم مناسبت‌لردن بیری ده بیرلشگن ملت‌لر تشکیلاتی نینگ باش کاتبی آنتونیو گوترش، اوشبو وضعیت نی خواطرلی عنوان قیلگن.
اسلام امیرلیگی نینگ حاکمیت گه ایریشیشی گه دایر مناسبت‌لر بیلن، ذبیح‌الله مجاهد اوشبو کون نی قووانچلی کون دیب و اوشبو کون برابریده‌گی سلبی مناسبت‌لرنی اورین‌سیز و عقده‌مندلیک دیگن.
ذبیح‌الله مجاهد نینگ سلام‌وطندار گه ایتیشیچه: «افغانستان ده مغلوب بولگن اولکه‌لر و اولر گه باغلیق نهادلر، بوکون نی یخشی کون بیلمسلیک‌لری طبیعی دیر.»
۱۵ آگست گه دایر مناسبت‌لر بیلن، چیت ایل مملکت‌لر اینیقسه، ناروی، کانادا، انگلستان و پاکستان ده یشب کیله‌یاتگن افغانستان فقرالریدن بیرقطاری، اسلام امیرلیگی نینگ سیاست‌لری اینیقسه خاتین قیزلر گه قرشی یره‌تیلگن چیکلاولر گه ناراضی‌لیک همایش اوتکزگنلر.
شونینگدیک، کابل و قطار ولایت‌لرده عیاللردن بیرقطاری، افغانستان ده اسلام امیرلیگی حاکمیت گه ایریشیش ییل‌لیگی گه مناسبت بیلدیریب، قیزلر یوزی گه مکتب و بیلیم یورت‌لر آچیلیشی و عیاللر گه ایش حقی بیریلیشینی سوره‌گنلر.
بیزلرنینگ توییترده هم تعقیب قیلینگ!
قندوز ده ناراضی‌لیک بیلدیرگن عیاللردن بیرقطاری، یاشیرینچ ییرده ناراضی‌لیک همایش‌لریدن بیر ویدیو ترقه‌تیب ایتیشلریچه: «عیاللر گه مکتب و بیلیم یورت گه باریش رخصتی بیریلیب و خاتین قیزلر گه ایش حقی بیریلیشینی ایسته‌یمیز.»
شو بیلن بیرگه، افغانستان ده اسلام امیرلیگی قدرت گه ایریشیشی و سرپرست حکومت بیلن دنیا همجمعیت نینگ تعامل قیلیشی گه دایر فرقلی مناسبت بیلدیریلگن، بیراق برچه اولکه‌لر حاضرگچه اسلام امیرلیگینی تن آلیش اوچون واحد بیر نظر گه کیلیشه آلمه‌گنلر.
دنیا همجمعیت، اسلام امیرلیگینی تن آلیش اوچون اولر تامانیدن انسان حقلری و عیاللر حقوقی رعایت ایتیلیشینی طلب قیلگن، بیراق اسلام امیرلیگی دنیا همجمعیت نینگ اوشبو طلبی برابری ده بی‌فرق بولیب و دنیا همجمعیت مذکور حکومت نی تن آلیش اوچون حاضرگچه تیارگرلیک کورستمه‌گن. اوشبو مسئله افغانستان خلقی نینگ اجتماعی، اقتصادی و باشقه تورلی خیل قیینچیلیک‌لر بیلن روپه‌ره قیلگن.