سرپرست حکومت نینگ افغانستان و پاکستان چیگره حدودلریدن پاکستان‌لیک طالبلر تحریکی (تی‌تی‌پی) اعضالری اوزاق‌لشتیریلیشی گه دایر قراری حقیده‌گی گزارش‌لر دوام ایتر ایکن؛ افغانستان ایشلری بوییچه پاکستان نینگ مخصوص نماینده‌سی آصف درانی، بوتوغریده اسلام امیرلیگی تامانیدن دستلبکی آدیم‌لر کوتاریلگنینی ادعا قیلگن.
جناب درانی «امریکا آوازی» بیلن اوتکزگن صحبتیده، پاکستان حکومتی افغانستان اسلام امیرلیگی نینگ اوشبو آدیمی مذکور مملکت چیگره خوفسیزلیگی تأمینلنیشی گه سبب بوله‌دی، خوش قرشی‌لشینی معلوم قیلگن.
افغانستان ایشلری بوییچه پاکستان نینگ مخصوص نماینده‌سی اوشبو صحبتیده، سرپرست حکومت دن بوتوغریده جدی‌راق عمل قیلیشینی سوره‌گن. «افغانستان حکومتی تامانیدن بوتوغریده دستلبکی آدیم‌لر کوتاریلگن، حاضر نتیجه‌سی حقیده بحث قیلیش فکریمچه وقت، تی‌تی‌پی اعضالری حقیقتن هم باشقه منطقه‌لر گه انتقال بیریلیب و چیگره خوفسیزلیگی تأمینلنسه، یخشی بیر اقدام دیر بیز خوش قرشی له‌یمیز.»
بیزلرنینگ توییترده هم تعقیب قیلینگ!
اسلام امیرلیگی افغانستان ایشلری بوییچه پاکستان مخصوص نماینده‌سی نینگ اوشبو بیاناتی گه مناسبت بیلدیریب افغانستان ایچیده پاکستان‌لیک طالبلر تحریکی حضورینی رد قیله‌دی.
اسلام امیرلیگی سوزلاوچیسی نینگ اورین باسرلریدن بلال کریمی نینگ سلام‌وطندار گه ایتیشیچه: «افغانستان ده هیچ بیر گروه نینگ فزیکی حضوری یوق و اسلام امیرلیگی هیچ گروه گه فعالیت قیلیش ایزینینی بیرمه‌یدی، البته پاکستان نینگ ایچکی مسئله‌لری اوزی گه تیگیشلی افغانستان گه ایمس.»
تی‌تی‌پی اعضالری افغانستان نینگ باشقه منطقه‌لری گه انتقال بیریلیشی پاکستان اوچون یاقیملی بولسه ده، لیکن بو مسئله افغانستان ایچیده یاقیملی ایمس.
حاضرگچه افغانستان نینگ قطار منطقه‌لری گه پاکستان‌لیک طالبلر تحریکی اعضالری کیلیشی، ایریم قرشی‌لیک‌لر گه سبب بولگن.
بیزلرنینگ فیسبوک صحیفه‌میزگه باش اورینگ!
احتمالاً تخارلیک بولگن اوشبو کیشی منطقه‌لری گه کیلگن کیشی‌لر تامانیدن کلتکله‌نیشیدن شکایت قیله‌دی، بو موضوع افغانستان نینگ قطار منطقه‌لری گه کیلگن قومی گروه‌لر نینگ تارتیشوو مثالی دیر.
اجتماعی ترماق‌لرده ترقه‌لگن ویدیو گه کوره: «بیز اوچون پاکستان دن نیمه آلیب کیلگن‌سیزلر، یشاوچیلردن پول ایسته‌یدیلر، بیز تینچ ایدیک ناتینچ قیلمنگیزلر.»
سلام‌وطندار اوشبو گزارش ده تخار یشاوچیلری نینگ پاکستان دن بارگن‌لر و محل یشاوچیلری ارا تارتیشوولری باره‌سیده نقل‌قول کیلتیریش اوچون تلاش قیلدی، لیکن مردمی منبع‌لر امنیتی تهدیدلر باعث، بوتوغریده فکر_ملاحظه‌لرینی شریک قیلمه‌دیلر.