اسلام امیرلیگی مدافعه وزیرلیگی، پاکستاننینگ میرانشاه و سپین وام حربی مرکزلریگه هوا آرقهلی ینگی هجوم اویوشتیرگنینی اعلان قیلدی.
مدافعه وزیرلیگی، بوگون (۹ حوت/۲۸ نومبر، شنبه) ایکس صحیفهسیده بیر بیانیه ترقهتیب، اوشبو هجوملر اوتگن کیچه ساعت ۱۲:۰۰ ده اویوشتیریلگنینی معلوم قیلگن.
بیانیه گه کوره، اوشبو هجوملرده پاکستاننینگ میرانشاه و سپین وام حربی مرکزلری نشانگه آلینگن و آغیر تلفات ییتکزیلگن.
بو هجوملر، پاکستان هوا کوچلرینینگ افغانستان گه کیتمه-کیت تجاوزی گه جواب موفقیتلی شکلده عملگه آشیریلگنی ایتیلگن.
آلدینراق، ننگرهار خوفسیزلیک مسئوللری، اسلام امیرلیگی حربی کوچلری پاکستاننینگ تورخمدهگی کمیساری، حربی قطعهلری و بو مملکت اردوسیگه تیگیشلی اوچ امنیتی مهم برجینی یوق قیلیب و اولر گه آغیر تلفات ییتکزگنلرینی اعلان قیلگن ایدیلر.
اسلام امیرلیگی و پاکستان کوچلری آرهسیده توقنشوولر ایکی کوندن بیری دوام ایتماقده و اوشبو مدت ایچیده، بیرقطار مملکتلر و خلقارا تشکیلاتلر درحال توختهتیلیشینی سورهگنلر.
