اسلام امیرلیگی ایچکی ایشلر وزیرلیگینینگ بنگیوار مادهلر گه قرشی کورهش معینی محمدقاسم خالد گه کوره، دهقانلر گه بنگیوار مادهلر اورنیده بدیل ایکیش و اوشبو مادهلر گه چلینگن کیشیلرنی دوالش امکانیتینی یرهتیش اوچون، خلقارا همکارلیک ضرور.
ایچکی ایشلر وزیرلیگی، ۷-عقرب، چهارشنبه کونی ایکس صحیفهسیده بیر بیانیه ترقهتیب یازیشیچه، محمدقاسم خالد، بو موضوعنی بیرلشگن ملتلر تشکیلاتینینگ افغانستانده سیاسی نمایندهلیگی (یوناما) باشلیغی اسکات اسمیت بیلن اوچرهشووده بیان قیلگن.
ایچکی ایشلر وزیرلیگینینگ بنگیوار مادهلر گه قرشی کورهش معینی، بنگیوار ماده افغانستاننینگ مشکلی اېمسلیگینی بیلدیرگن.
بیانیه گه کوره، تامانلر بو اوچرهشووده ایکی تامانلمه همکارلیکلرنی کېنگهیتیریشگه تأکیدلهگن.
اسلام امیرلیگی قدرت گه قیتیب و بنگیوار مادهلر ایکیلیشینی تقیقلگچ، نیچه مرته مملکتلردن دهقانلر گه بدیل ایکین امکانیتینی یرهتیش ساحهسیده همکارلیک قیلیشلرینی سورهگن.
