اسلام امیرلیگی صناعت و سودا وزیرلیگی، افغانستان و اوزبیکستان اورتهسیده سودا علاقهلرنی کینگهیتیریش مقصدیده ییغیلیش اوتکزیلگنینی بیلدیردی.
اوشبو وزیرلیک، بوگون (۲۸ دلو/۱۷ فبروری، سهشنبه) ایکس صحیفهسیده بیر بیانیه ترقهتیب، بو قوشمه ییغیلیشده افغانستان و اوزبیکستان سوداگرلری اورتهسیده ۳۰۰ میلیوندن آرتیق دالرلیک ۲۵ ته سودا شرطنامه امضالنگنینی معلوم قیلگن.
صناعت و سودا وزیرلیگی، بو شرطنامهلر انشاآت، آزیق-آوقت، ایکینچیلیک، موبل و فرنیچر، کییم-کیچک و دارو بولیملریده امضالنگنینی قوشیمچه قیلگن.
اوشبو وزیرلیک، صناعت و سودا وزیری نورالدین عزیزی گه اساسلنیب، اسلام امیرلیگی اوزبیکستان بیلن سودا علاقهلرینی کینگهیتیریش گه سعی-حرکت قیلهیاتگنینی ایتگن.
آلدینراق، صناعت و سودا وزیرلیگی، افغانستان و اوزبکستاننینگ سودا علاقهلری اوتگن میلادی ییلده ۲۰۲۴ ییل گه نسبتن آشگنینی ایتگن ایدی.
