اسلام امیرلیگی تشقی ایشلر وزیری امیرخان متقی و اۉزبېکستان تشقی ایشلر وزیری بختیار سعیدوف، تلفونی علاقهده ایکی مملکتنینگ مناسبتلرینی کېنگهیتیریش حقیده بحث اېتگنلر.
اسلام امیرلیگی تشقی ایشلر وزیرلیگی، ۱۱-عقرب، یکشنبه کونی ایکس صحیفهسیده بیر بیانیه ترقهتیب بو حقده خبر بیرگن.
بیانیه گه کوره، تامانلر اوشبو تلفونی علاقهده باشقه مهم مسئلهلر یانیده ایکی تامانلمه مناسبتلر و اقتصادی همکارلیکلرنی کېنگهیتیریش حقیده بحث اېتگن.
اوشبو تلفونی علاقهده امیرخان متقی، اسلام امیرلیگی بوتون مملکتلر اینیقسه قۉشنی مملکتلر بیلن اۉز ارا حرمت اساسیده ایجابی همکارلیگی بولیشیگه طرفدارلیگینی بیلدیرگن.
شو بیلن بیرگه، اۉزبېکستان تامانی هم مملکتلرنینگ ترقیاتی و رواجلنیشی اوچون منطقهده دایمی برقرارلیک تأمین ایتیلیشینی مهم دیب و اولکهلر اورتهسیده اقتصادی همکالیکلر مستحکملنیشی کېرهک دیگن.
