اسلام امیرلیگی صناعت و سودا وزیری نورالدین عزیزی، کابلده چین ایلچیسی جاو شینگ بیلن اوچرهشدی.
صناعت و سودا وزیرلیگی، ۱۶-قوس/۷-دیسمبر، یکشنبه کونی ایکس صحیفهسیده بیر بیانیه ترقهتیب، عزیزی و شینگ افغانستانده چین سرمایه یاتقیزووچیلرینینگ قیینچیلیکلری حل ایتیلیشی و اقتصادی مناسبتلر مستحکملنیشی حقیده صحبت قیلگنینی بیلدیرگن.
بیانیهده شوندهی کېلگن: «اوشبو اوچرهشووده، چین هیئتی بو مملکت سرمایه یاتقیزوچیلرینینگ قیینچیلیکلرینی آچیقلب و اقتصادی مناسبتلر مستحکملنیشیگه تأکیدلهدی.»
صناعت و سودا وزیری، افغانستان چین سرمایه یاتقیزوچیلری بیلن همکارلیکلرنی کېنگهیتیریش گه تیارلیگینی معلوم قیلگن.
چین، افغانستاننینگ اقتصادی مهم شریکلریدن حسابلنهدی – سۉنگی تورت ییل دوامیده تورلی ساحهلر اینیقسه برق و کان بولیمیده کوپ مقدارده سرمایه کیریتگن.
