روسیهنینگ خودمختار جمهوریتی داغستانلیک آزاد مبارزهلر سپورتچیسی اسلام رمضانویچ ماخاچف، آسترالیالیک رقیبی جک دلا مادالِنا گه قرشی غلبه قازانیب و ایکی وزن قهرمانی بولدی.
یېتکرمهلرنینگ معلوماتیگه کوره، اوشبو بیللشوو بوگون (۲۵-عقرب/۱۶-نومبر، یکشنبه) «یواِفسی» تشکیلاتینینگ ۳۲۲-می دور مرکزی مبارزهلریده اۉتکزیلگن.
ماخاچف، بیش دقیقهلیک بیش رونددن سۉنگ حَکم (داور)لرنینگ امتیازی بیلن غالب اعلان قیلینگن.
داغستانلیک آزاد مبارزهلر سپورتچیسی اسلام رمضانویچ ماخاچف، بوندن آلدین اۉتکزگن ۲۷ بیللشوده فقط بیر مرته مغلوب بولگن.
بو سپورتچی، اوشبو غلبه بیلن ایکی وزنده داغستاننینگ بیرینچی قهرمانی گه ایلنگن.
