هر بیریمیز حیاتیمیزده شوندهی انسانلر بیلن توقنشگنمیز که اولر صحبت دوامیده فقط اۉزلرینی، اۉز حیاتلرینی معمالرینی و غلبهلرینی گپیرهدی. اولر سیزنینگ فکرینگیزنی سورمهیدی، حتا سورهسه هم، اعتبار بیلن تینگلمهیدی. اولیگه بوندهی آدملرنی توشینیش گه حرکت قیلهمیز، لېکن وقت اوتیب، بوندهی مناسبت چرچتهدی و بیز اولردن اوزاقلشیشنی باشلهیمیز. اما بو ختی-حرکتلر آرتیده احتمال، مرکب روانشناسلیک سببلر یاتیشی ممکن.
داکتر سوهوم داس: «فقط اۉزینی گپیرهدیگن آدم – یالغیز و اۉزیگه ایشانچسیز بولیشی ممکن.»
بویوک بریتانیا ده مشهور روانشناس شفاکاری سوهوم داس اۉزینینگ اجتماعی ترماقلردهگی وبلایک آرقهلی عینن شوندهی انسانلر حقیده فکر بیلدیردی. اونینگ تأکیدلشیچه، بعضن بو ختی-حرکتلر روانشناسلیک یاردم سوراوی بولیشی ممکن.
اعتبار اوچون کورهش – توشینیش گه ارزیدیگن سیگنال
بوندهی آدملر کوپینچه اطرافدهگیلر تامانیدن ایشیتیلمسلیکّه اورگنی قالیشگن بولهدی. شونینگ اوچون اولر دایمی روشده گپیریش آرقهلی یېترلیچه اعتبار آلیشگه حرکت قیلهدیلر. اگر سیز شوندهی انسان بیلن آچیق و دقتلی ملاقات قیلسنگیز، اونینگ ختی-حرکتلری سیکین-استه اۉزگره باشلشی ممکن.
شونینگدیک، بوندهی انسانلر بیلن ملاقاتده بولیش اثناسیده صبر و توشینیش کېرهک. احتمال، صحبت گه بولگن احتیاج – بو اولرنینگ ایچکی آغریغی و جمعیتدهگی اورنینی تاپه آلمهیاتگنینی انگلتهدی.
توشکونلیک – یاشیرین سببی بولیشی ممکن
داکتر داس گه کوره، بو توردهگی ختی-حرکتلر بعضی حاللرده توشکونلیک بیلن هم باغلیق بولهدی. توشکونلیک بیلن آغریگن انسانلر کوپینچه اۉزینینگ حالتینی تولیق انگلهمسلیگی هم ممکن. شوندهی انسانلر صحبت آرقهلی ایچکی آغریغینی یینگیشگه، آز بولسه هم یینگیللیک حس قیلیش گه حرکت قیلیشهدی.
اولر حیاتیدهگی معمالرنی دایمی تیلگه آلیشی، دایم شکایت قیلیشلری – بو شخصی دقتنی یا که رحم-شفقتنی اېمس» بلکه کوپراق تینگلهنیشی، توشینیلیشی و قبول قیلینیش گه احتیاجنی کورستهدی.
نیمه قیلیش کېرهک؟
شو توردهگی انسانلر بیلن ملاقاتده بولگنیمیزده، اولرنی فقط «صبرنی سوءاستعمال قیلووچی» دیب بهالش اورنیگه، احتمال اولرنینگ یاردم سوراوینی کوریش گه حرکت قیلیشیمیز کېرهک. احتیاجی – هر دایم بلند تاووشده ایتیلمهیدی. بعضن فقط گپیریشنینگ اۉزی آرقهلی هم انسان جان سورهیاتگن بولهدی.
سیز هم شوندهی آدملر بیلن اوچرهگنمیسیز؟ اولر گه نسبتن مناسبتینگیز قندهی بولگن؟ حسلرینگیز بیلن اورتاقلشینگ.