خلقارا ییتکرمهلر، عراق مدافعه وزیرلیگیگه اساسلنیب، امریکا حربی کوچلری ۲۷ جدی/۱۷ جنوری، شنبه کونی اوشبو مملکتنینگ غربیده جایلشگن عینالاسد هوا قونالغهسیدن تولیق چیقیب کیتگنینی معلوم قیلگنلر.
معلوماتلر گه کوره، امریکا حربی کوچلری عینالاسد هوا قونالغهسینی ترک ایتگچ، عراق اردوسی بو قونالغه تولیق کنترولینی قولگه آلگنلر.
میلادی ۲۰۲۴ ییلده واشنگتن و بغداد امریکا ییتکچیلیگیدهگی ائتلاف کوچلرینی عراقدن چیقریش و ایکی تامانلمه خوفسیزلیک علاقهلریگه اوتیش بوییچه کیلیشوو گه ایریشگندی.
عینالاسد منطقهدهگی کیسکینلیک دوریده خصوصاً میلادی ۲۰۲۰ ییلده ایران جنرالی قاسم سلیمانی اولدیریلگندن کیین، ایران طرفداری قوراللی گروهلر هجومیگه اوچرهگن.
عراق اردوسی، امریکا کوچلری اوشبو قونالغهدن چیقیب کیتگنینی تصدیقلهگن، بیراق لوژستیک بیلن باغلیق بعضی مسئلهلر طفیلی بیر نیچه حربی خادم قونالغهده قالگنینی بیلدیرگن. قوشیمچه معلومات خوفسیزلیک سببلی آشکار قیلینمهگن.
دستلبکی ریجه بوییچه یوزلب عسکر ۲۰۲۵ ییل سپتمبریگه قدر، قالگنلری ایسه میلادی ۲۰۲۶ ییل آخریگچه عراقدن چیقیب کیتیشی بیلگیلنگن ایدی. حاضرچه چیقیشنینگ انیق قچان باشلنگنلیگی رسمی روشده اعلان قیلینمهگن.
