ایران رسمیلرینینگ ایتیشلریچه، ۲۳-جون تهران ده اوین قماقخانهسیگه اسرائیلنینگ اویوشتیرگن هجومی نتیجهسیده، ۷۱ کیشی قربان بولگن.
رویترز آژانسی، ایراننینگ قضاییه قوهسی سوزلاوچیسی اصغر جهانگیردن نقل قیلیب گزارش بیریشیچه، اوشبو قماقخانهنینگ اداری ایشلاوچیلری، قوریقچیلری، قولگه آلینگنلر، محبوسلرنینگ عایلهلری و قماقخانه اطرافیدهگی یشاوچیلر بو واقعه قربانیلری آرهسیده شامل دیر.
بیزلرنینگ «ایکس» ترماغی ده هم تعقیب قیلینگ!
اصغر جهانگیرنینگ ایتیشیچه: «اوین قماقخانهسیگه اویوشتیریلگن هجوم نتیجهسیده، ۷۱ کیشی شهید بولدی.»
اونینگ کوپهیتیریشیچه، قماقخانهنینگ اداری بناسیدن بیر بولیمی بوزیلیب و اسرائیل آرقهلی اویوشتیریلگن مذکور هجوم نتیجهسیده تیریک قالگنلر ایسه، تهران دهگی باشقه قماقخانهلرگه انتقال بیریلگنلر.
بیزلرنینگ فیسبوک صحیفهمیزگه باش اورینگ!
اوین قماقخانهسی، بیر قطار سیاسی محبوسلر و چیت ایللیکلردن قطارینینگ سقلنهدیگن جای دیر. شونینگدیک مذکور قماقخانهده سسیل کولر و ژاک پاریس اسملی ایکی فرانسهلیک هم اوچ ییلدن بیری حبس گه دیر.
فرانسه، اوشبو هجومدن کیین یشاوچیلری امنیتیگه نسبت خواطر بیلدیرگن. فرانسه تشقی ایشلر وزیری، اجتماعی ترماغیده یازیشیچه: «تهران ده اوین قماقخانهسیگه اویوشتیریلگن هجوم، یشاوچیلریمیز حیاتینی خوف آستیگه قویهدی. بو قبول بولمهیدیگن بیر اقدام دیر.»
