ایران تشقی ایشلر وزیری سیدعباس عراقچی، اسلو خلق‌ارا مجموعه‌سی ۲۲-ییغیلیشی یانیده، ناروی تشقی ایشلر وزیری اسپن بارت ایده بیلن اوچره‌شیب، افغانستان، منطقه و دنیا ده‌گی اۉزگریش‌لر و ایککی تامانلمه مسئله‌لر حقیده صحبت قیلگن.
ایران تشقی ایشلر وزیرلیگی بوگون (۲۲-جوزا، پنجشنبه) بیر بیانیه ترقه‌تیب یازیشیچه، تامانلر اوشبو اوچره‌شووده ایران و امریکا مذاکره‌لری احوالینی تېکشیریشگن.
بیزلرنینگ فیسبوک صحیفه‌میزگه باش اورینگ!
بیانیه اساسیده، بو ایککی مملکت تشقی ایشلر وزیرلری کوپراق افغانستان‌ده‌گی اۉزگریش‌لر حقیده صحبت قیلگن؛ بیراق بوتوغریده اونچه‌لیک ایضاح کېریتمه‌گن.
ایران و ناروی، سۉنگی ییللرده اسلام امیرلیگی بیلن ترتیبلی علاقه‌سی بولگن منطقه و اروپا مملکتلریدن سنله‌دی؛ گرچند بو ایککی مملکت‌دن هېچ بیری، سرپرست حکومت‌نی هلیگچه رسمی تن آلمه‌گن.
بیزلرنینگ «ایکس» ترماغی ده هم تعقیب قیلینگ!
اسلو خلق‌ارا مجموعه‌سی ۲۲-ییغیلیشی، قویاش ۱۴۰۴-ییل، ۲۱-جوزا، ناروی پایتختی‌ده باشلنگن. بو ییغیلیش‌‌ده تورلی مملکتلردن سیاسی ییریک رسمی‌لر اشتراک قیلیب و دنیا مقیاسیده‌گی امنیتی و سیاسی مسئله‌لر حقیده بحث اېتیش‌لری اېتیلگن.
