ایران تشقی ایشلر وزیرلیگی سوزلاوچیسی اسماعیل بقایینینگ ایتیشیچه، اوشبو مملکت کیلهسی هفته افغانستان بوییچه منطقهوی بیر ییغیننی میزبانلیک قیلهدی.
ایران تشقی ایشلر وزیرلیگی سوزلاوچیسینینگ کوپهیتیریشیچه، مذکور ییغین پاکستان، تاجیکستان، اوزبیکستان، تورکمنستان، چین و روسیه مخصوص وکیللری حضوری بیلن، تهران ده اوتکزیلهدی.
شونینگدیک بقایی گه کوره، اوشبو ییغین قوشنی مملکتلر و باشقه منطقهوی تامانلر بیلن تورلی درجهلرده آلیب باریلگن مصلحتلشوولرنینگ نتیجهسی دیر. او، بو تشبثنینگ همجهتلیکنی مستحکملش و کیلیشماوچیلیکلرنی برطرف ایتیشده فایدهلی رول اوینهشیگه امیدوارلیک بیلدیرگن.
اونینگ اورغولشیچه: «اسلام اسلامی جمهوریتی، مملکتیمیزنینگ قوشنیچیلیک محیطیدهگی خوفسیزلیک و برقرارلیککه اساسی اهمیت قرهتهدی و بو توغریده منطقه مملکتلری آرهسیده کیلیشماوچیلیکنی کمهیتیریش و اولر آرهسیده کیلیشوونی مستحکملش اوچون بار کوچنی صرفلهیدی.»
ایران تشقی ایشلر وزیرلیگی سوزلاوچیسی، مذکور ییغینده اسلام امیرلیگی نمایندهسینینگ حضوری بولیب بولمسلیگی حقیده هیچ نرسه دیمهگن.
استانبول ده اسلام امیرلیگی و پاکستان آرهسیده مذاکرهلرنینگ ناکام بولگنیدن کیین، ایران تشقی ایشلر وزیری سیدعباس عراقچی، ایکی تامان آرهسیده کیلیشماوچیلیکلر کمهیشی اوچون تهران ده منطقهوی بیر ییغین اوتکزیلیش احتمالیدن خبر بیردی.
