اسلام امیرلیگی قاچقینلر وزیرلیگی، ایران دهگی افغانستانلیک قاچقینلر قیینچیلیگی حلی اوچون، بو مملکت رسمیلری بیلن مذاکرهلر اوتکزیلگنینی بیان قیلگن.
اوشبو وزیرلیک سوزلاوچیسی عبدالمطلب حقانینینگ ایتیشیچه، ایران افغانستانلیک ناقانونی قاچقینلرنینگ عزتلی و قوشمه بیر برنامه اساسیده افغانستان گه قیتریلیشیگه کیلیشگن. اونینگ کوپهیتیریشیچه: «ایران افغانستانلیک قاچقینلرنی عزتلی بیر شکلده مملکت گه قیتریلیشی توغریسیده اسلام امیرلیگی بیلن قوشمه بیر مکانیزم یرهتیشگه تیار دیر.»
بیزلرنینگ فیسبوک صحیفهمیزگه باش اورینگ!
باشقه بیر تاماندن، ایران ایچکی ایشلر وزیرلیگینینگ چیتایللیکلر و قاچقینلر ایشلری باشقرمهسی باش کاتبی نادر یاراحمدیگه کوره، جاری ییلنینگ آلتینچی آییدن کیین ویزه و اقامت کارتیگه ایگه بولگن قاچقینلر بو مملکتده قالیشی ممکن.
شوندهی بیرحالده، ایران ده افغانستانلیک قاچقینلردن قطارینینگ ایتیشلریچه، ویزهلرینینگ تمدید بولیشی توغریسیده قیینچیلیک بیلن روپهرهلر.
ایکی ییل آلدین ایران گه کیتگن بو مملکتدهگی افغانستانلیک قاچقینلردن بیری ارغواننینگ ایتیشیچه، ویزهسینینگ وقتی یکونلنیب و حاضر ایسه اونینگ تمدید قیله آلمهیدی. «ایراننینگ ینگی قانونی اساسیده، ویزه یالغیز ایکی مرته تمدید بولهدی؛ نیچه مرته ویزهمیزنینگ تمدید قیلیش اوچون کفالت ادارهلریگه باردیک؛ بیران کیشینینگ ویزهسینی ایکی مرته هم تمدید قیلمهیدیلر. کوپینچه جنجل بار، توهین و تحقیر بیلن روپهرهمیز.»
ناقانونی شکلده ایران گه کیتگن افغانستانلیکلردن قطارینینگ ایتیشلریچه، قشاقلیک، ایشسیزلیک و بالهلری تحصیلی دوامی اوچون بو مملکت گه مهاجرت قیلگنلر و حاضر ایسه چیقریلیش قیینچیلیگی بیلن روپهرهلر.
ایران دهگی افغانستانلیک قاچقینلردن عاقله رحیمینینگ ایتیشیچه: «ایران گه کیلگنیمدن اوچ ییل بولگن و حجتیم یوق. بالهلریم مکتب باره آلمهیدی. حیران قالگنمین که ایران دن چیقرسهلر و قیته افغانستان گه بارسهک، تورموش اورتاغیمنینگ هیچ قندهی ایشی یوق.»
بیزلرنینگ «ایکس» ترماغی ده هم تعقیب قیلینگ!
ایران دهگی افغانستانلیک قاچقینلردن باشقه بیری رحمتالله میرزایی، بیرلشگن ملتلر تشکیلاتیدن اولرنینگ قیینچیلیکلری حل بولینیشینی ایستهیدیلر. «بیرلشگن ملتلر تشکیلاتی، ایران و اسلام امیرلیگیدن بو قیینچیلیکنینگ حل بولینیشینی ایستهیمیز. قیینچیلیگیمیز حل بولمهگنی صورتده، افغانستان گه قیتریلیش بیلن قیینچیلیککه روپهره بولهمیز.»
ایران کوپینچه مدتدن بویان، افغانستان یشاوچیلرینینگ اصلی مقصدلریدن بیری بولیب و حاضر ایسه بو مملکتده اوچ میلیوندن آرتیق افغانستان یشاوچیسی حیات کیچیرماقده؛ لیکن جبری شکلده چیقریلیش اوشبو مملکتده اولر اوچون حیات کیچیریشنی قیینلشتیرگن.
