خلقارا یاشلر کونی بیلن بیرگه، بیرلشگن ملتلر تشکیلاتینینگ افغانستان اوچون مخصوص امانی صندیغی، افغانستانلیک یاشلرنینگ ظرفیتی آشیریلیشیگه متعهدلیگینی بیلدیرگن.
مذکور نهاد، بوگون (۲۱-اسد، سهشنبه)، اکس صحیفهسیده یازیشیچه، افغانستاننینگ برقرار رواجلنیشی و محلی اقداملرنی باشقریش توغریسیده، افغانستانلیک یاشلرنی قوللب-قوتلهیدی.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی افغانستان اوچون مخصوص امانی صندیغینینگ یازیشیچه: «افغانستانلیک یاشلرگه یاردم بیرهمیز و اولرنینگ ظرفیت و مهارتلرینی کوچلنتیرهمیز که اولر اوزلری، برنامهلر رهبرلیگی همده برقرار رواجلنیش و اوندن کیینگی مقصدلر بیلن تیگیشلی محلی فعالیتلرگه حصه قوشسینلر.»
بو نهادنینگ کوپهیتیریشیچه، کیچیک و اورته کسب-کارلرنینگ رواجلنیشی، تینچراق جمعیت یرهتیلیشی و حیاتگه امیدنی قیته کیلتیریلیشی اوچون، یاشلرنینگ تشویق بولیشی کیرهک.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتی امانی صندیغینینگ اورغولشیچه، «یخشیراق کیلهجک» اوچون یاشلر ظرفیتی اوستیگه سرمایه یاتقیزیلیشیگه دوام بیریلیشی کیرهک.
۱۹۹۹-ییل دسمبر آییده، بیرلشگن ملتلر تشکیلاتینینگ عمومی مجمعسی بیر قطعنامهنی تصویب قیلگن که اونینگ اساسیده، هر ییلی۱۲-آگست خلقارا یاشلر کونی صفتیده تانیلگن.
