اوشبو ییل افغانستانده ۱-می خلقارا ایشلاوچیلر کونیدن عینحالده نشانلنماقده، ایشلاوچیلر تورلی قیینچیلیک جملهدن ایش امنیتی یوقلیگی و حقوقلری رعایت بولمسلیک قیینچیلیگی بیلن روپهره دیر.
کابل شهریده ایشلاوچیلردن بعضیلرینینگ ایتیشلریچه، ایشلری ثابت اېمسلیگی و ایش حقی آزلیگی باعث، عایله احتیاجلری و ساغلیک قیینچیلیکلرینی حل اېته آلمهیدیلر.
کابل شهری ۱۰-ناحیه یشاوچیسی ۳۵ یاشر اجمل، ایش اوچون شهر نو حاجی یعقوب تورت یولی گه کېلگن ایتیشیچه، کوپ قیینچیلیک بیلن بیر آیده تورت مرته ایش تاپه آلهدی. او بویاقچیلیک قیلهدی و آلتی کیشیلیک عایلهنینگ باقووچیسی حسابلنهدی. «اوتمیشده هر کونی ۱۰۰۰ افغانی درآمد قیلردیک؛ اوتگن اوچ ییلده ایش حقیمیز ۵۰۰ افغانی بولگن بو مقدار پول بیلن تیریکچیلیک قیینچیلیکلرینی حل قیلیش قیین؛ بعضی وقتلر پولیم یوقلیگی اوچون بالهلریم کسل بولدی و شفاکار گه آلیب باره آلمهدیم»
بیزلرنینگ فیسبوک صحیفهمیزگه باش اورینگ!
بنالرده ایشلاوچی صفتیده ایشنی باشلهگنیدن آلتی ییل تولگن مجتبا گه کوره، ایش جاییده امنیتی قاعدهلر رعایت بولمسلیگی و اولرگه بیفرقلیک، برق آلیش و یوقاری قووتلی بنالردن قولب توشیشلریگه سبب بولگن. «بیر ییل اول ایش پیتیده انشاآتده یوقاریدن قویی گه قولب توشدیم و قولیم یرهلندی؛ ایش حقیمنی بیریب و باشقه ایشلهی آلمسلیگیمنی اېتدی؛ بو مسئله ایش ایگهسی اوچون اهمیتی یوق؛ شرکتده ایش بولسه دقت قیلهدی؛ بیراق اویلردهگی ایشلرگه دقت قیلمهیدیلر.»
شونینگدیک، ۴۸ یاشر نیکمحمد، کابل شهری تایمنیده ایشلاوچیلیک قیلهدی ایتیشیچه، درآمدی آزلیگی سبب کسللیگیگه اعتبار بیرمهی یشش اوی اجارهسینی تولش و ۱۴ کیشیلیک عایله احتیاجلرینی تأمینلش اوچون باشقهلردن پول سورهش گه مجبور بولگن. ۲۵ ییل ایشلاوچیلیگیدن اوتگن ایتیشیچه: «بیر هفتهدن بیری ایاغ و باش آغریق من؛ شفاکار گه مراجعت قیلسم، پولینی قندهی تولهی؛ چونکه ۱۰ کون ایچیده فقط ایکّی کون ایش تاپدیم؛ اوی ایگهسی اجاره حقینی بیر یا که اوینی بوشهتیشیمنی اېتگن؛ بیراق اوی یا که پول تاپه آلمهدیم؛ اوی اجارهسی کوپ قیمت دیر.»
اوتگن اوچ ییلدن کوپراقده افغانستانده ایچکی و خلقارا لایحهلردن بیرقطارینینگ ایشی توختهشی بیلن، کوپینچه ایشلاوچیلر بیکار بولگن یا که ایش حقلری کمهیگن.
بیزلرنینگ «ایکس» ترماغی ده هم تعقیب قیلینگ!
برچهسی بیلن، ایشلاوچلر ملی اتفاقی افغانستاندهگی ایشلاوچیلر برابریده قیینچیلیک بارلیگینی تصدیقلب ایتیشیچه، بو نهاد ایشلاوچیلر حقیدن دفاع قیلیش و اولرنینگ قیینچیلیکلری حل اېتیلیشی اوچون ایش و اجتماعی ایشلر وزیرلیگی و خلقارا ایش تشکیلاتیدن یاردم سورهگن.
ایشلاوچیلر ملی اتفاقی باشلیغی عبدالمتین مولویزاده گه کوره: «خلقارا قاعده اساسیده ایشلاوچیلرنینگ قیینچیلیکلری حل اېتیلیشی اوچون سعی-حرکت قیلهیپمیز؛ بو بولیمده همکار نهادلر بیلن گپیرگنمیز و اولر ایشلاوچیلرنینگ قیینچیلیکلری حل اېتیلیشی اوچون بیز بیلن همکارلیک قیلیش وعدهسینی بیریشگن.»
افغانستانده ایشلاوچیلر سانی بیللی بولمسهده؛ بیراق ایشلاوچیلر ملی اتفاقی، حاضرگه قدر اوچ میلیون ۵۰۰ مینگ ایشلاوچی بو اتحادیه گه ثبت بولگن و اولرنینگ رویخط گه آلیش جریانی دوام اېتماقدهلیگینی اېتهدی.
برچهسی بیلن، سرپرست حکومت ایش و اجتماعی ایشلر وزیرلیگی گه کوره، ایشلاوچیلرنینگ حقوقی تأمین اېتیلیشی و اولرنینگ تیریکچیلیک احوالی یخشیلنیشی اوچون، ایش قانونی تصدیق بولیشی مقصدیده اسلام امیرلیگی رهبری گه یوللنگن.
بو وزیرلیک سۉزلاوچیسی سمیعالله ابراهیمینینگ ایتیشیچه: «ایشلاوچیلرنینگ قیینچیلیکلری حل اېتیلیشی و حقوقلری تأمینلنیشی اوچون سعی-حرکت قیلهیپمیز؛ بو قانون اوتگن قانون یاردمی بیلن تیارلنگن و تصدیق اوچون اسلام امیرلیگی رهبری گه یوللنگن.»
بیرینچی می، ۱۸۸۶ییلده ایشلاوچیلر حقوقینی قۉللب-قوتلش اوچون خلقارا ایشلاوچیلر کونی اولهراق ناملنگن. اوشبو ییلده، بوکوندن «ایشده ساغلیق و مصونیت» شعاری بیلن نشانلنماقده.
