خلقارا قاچقینلر تشکیلاتی، ینگی بیر گزارشیده ایران دن افغانستانلیک قاچقینلرنینگ چیقریلیشی کوپهیگنیدن خبر بیریب و ایتیشیچه، یالغیز جاری میلادی ییلنینگ می آییده ایران دن ۱۵ مینگ ۶۷۵ عایله قیتریلگن که بو رقم اپریل آییگه قرهگنده ۲.۳ برابر کوپهیگنینی کورستهدی.
مذکور تشکیلات اوتگن کون (۱۳-جوزا، سهشنبه)، «ایران دن جبری شکلده چیقریلیشنینگ کوپهیشی» اسمی آستیدهگی گزارشیده ایتیشیچه، پاکستان دن افغانستانلیک قاچقینلرنینگ چیقریلیش پروسهسی کوچهیگنی یانیده اوشبو چیقریلیشلر سبب، افغانستاننینگ قلتیس احوالی مهاجرلرنی قبول قیلیش و اولرنی قوشیش خصوصیده باسیم آستیده قالگن.
بیزلرنینگ «ایکس» ترماغی ده هم تعقیب قیلینگ!
خلقارا قاچقینلر تشکیلاتیگه کوره، می آییده مملکت گه قیتگن حجتسیز افغانستانلیک عایلهلر سانی، اوتگن ییلنینگ اوشبو دوریدهگی ثبت بولگن رقمدن اوچ برابر کوپهیگن دیر.
مذکور گزارش اساسیده، یالغیز ۲۵ میدن ۱ جون آرهسیده، آلتی مینگ ۳۸۷ عایله و ۲۵ مینگ ۷۹۴ بویداق ایران دن افغانستان گه قیتگن.
بیزلرنینگ فیسبوک صحیفهمیزگه باش اورینگ!
خلقارا قاچقینلر تشکیلاتی، قیتهدیگن کیشیلر سانی کوپهیشیگه اشاره قیلیب و ایتیشیچه، بودجه کملیگی سبب یالغیز عایلهلردن ۱۷ فایزی و بویداق کیشیلردن ۲.۳ فایزیگه یاردم بیره آلگنلر.
گزارشده کیلیشیچه، ایران می آیینینگ آخرلریده اعلام قیلگن که، حجتسیز افغانستانلیک قاچقینلردن برچهسی مذکور مملکت توپراغینی ۲۰۲۵-ییل آلتینچی جولایگه قدر ترک قیلیشلری کیرهک.
