سوریه اردوسی و دمکراتیک کوچلری آرهسیده ستراتژیک شهرلر همده نفت ساحهلری اوچون توقنشوولر کوچهیب بارهیاتگن بیر پیتده، امریکا بو مملکت اردوسیدن سوریه شمالیده کُرد کوچلری نظارتی آستیده بولگن منطقهلرگه ایلگری باریشنینگ توختهتیشلرینی سورهگن.
حلب شهریده کوچلی توقنشوودن کیین، دمکراتیک کوچلری فرات دریاسی شرقیگه چیکلنیشگه کیلیشگنلر؛ لیکن سوریه اردوسینینگ تیز بیر شکلده اولر نظارتی آستیده بولگن منطقهلرگه ایلگری باریشی دوام قیلماقده.
امریکا اردوسی مرکزی قوماندانلیگی (سنتکام)، نینگ اعلام قیلیشیچه، سوریه کوچلری حلب و رقه ولایتیده طبقه شهری آرهسیدهگی یولده هر قندهی هجومچی حرکتنینگ توختهتیشلری کیرهک.
بو بیلن بیرگه، ایکی تامان آرهسیده نفت ساحهلری اوستیگه توقنشوولرنینگ دوامی بار و سوریه نفت کمپنیهسینینگ اعلام قیلیشیچه، دمکراتیک کوچلرینینگ چیکلنیشیدن کیین، نیچهته نفت ساحهسی نظارتینی قولگه کیلتیرگن.
مذکور اوزگریشلر شوندهی بیر پیتده یوز بیرماقده که، واشینگن بوندن آلدین دمکراتیک کوچلرینی داعشگه قرشی کورهشده قوللب-قوتلشی بیلن سوریه ینگی حکومتینی حمایتلش آرهسیده موازنتنی سقلشگه حرکت قیلماقده.
