همه نرسه کیچیک بیر فکردن باشلندی؛ صناعت، دیزاین و قیمت‌بها تیمیرلرنینگ یارقینلیگی‌گه قیزیقیش، پروان ده ایکی یاش‌نینگ آز سرمایه بیلن تقینچاق توزه‌تیش صناعتی‌ده اوز برندی‌نی یولگه قوییب و «کوشانیان تقینچاقلری» شرکتی‌نینگ آچیشی‌‌گه سبب بولگن.
مذکور ایکی یاش، مشتری‌لری‌گه نه فقط محصوللرینی ارائه قیله‌دیلر؛ بلکیم اولرنینگ تشویق بولیشلری مقصد، سعی‌وحرکت، جسارت و خلاقیت‌لرینی هم بیان قیله‌دیلر.
بیزلرنینگ «ایکس» ترماغی ده هم تعقیب قیلینگ!
۲۲ یاشر فاطمه رسولی و ۲۹ یاشر عبدالحبیب امیری، فیروزکوه انستیتیوتی‌ده تعلیمی دوره‌سینی بیتیریب، تقینچاق توزه‌تیش شرکتی نی آچگن مذکور ایکی تدبیرکار ییگیت، حاضر ایسه بیش ایشلاوچی و یخشی درآمد بیلن، ایکی ییل‌دن بویان بو توغریده «شریک» شکلده فعالیت قیلماقده.
عبدالحبیب، اورگه‌نیش یولی و تجربه قولگه کیلتیریشی حقیده سلام‌وطندار گه ایتیشیچه: «تجربه قولگه کیلتیریش مقصپ، تقینچاق شرکت‌لریدن قطاری‌ده ایشله‌دیم. ۲۰۱۷-ییل‌ده زرین اسمی آستیده تقینچاق توزه‌تیش بیر شرکت آچدیم؛ ۲۰۲۲-ییل‌ده ۸۰ مینگ افغانی سرمایه بیلن شریک شکلده باشقه بیر شرکت‌نی آچدیم و تقینچاق توزه‌تیش شرکت اسمی کوشانیان دیر.»
شونینگدیک فاطمه، انستیتیوت‌ده اوچ ییل تعلیم کوریش‌دن کیین اوز شرکتی ایشی توغریسیده ایتیشیچه: «ایشیمیز تقینچاق توزه‌تیش دیر؛ تقینچاق توزه‌تیش‌نی اورگنگنیمدن اوچ ییل بوله‌دی؛ تقینچاق دیزاین‌لرینی اورگنگن‌مین. دیزاین‌لرینی اوزیم توزته‌من. طبیعت، قدیمی اثرلر و تاریخی نرسه‌لردن الهام آله‌من.»
فاطمه سلام‌وطندار بیلن اوتکزگن صحبت‌لریده کوپه‌یتیریشیچه، زمان اوتیشی بیلن، ایشلری یخشی‌لنیب و حاضر ایسه باش ییل‌گه نسبت ایچکی و دنیا بازارلریده قولگه کیلتیره‌دیگن بویورتمه‌لری و مشتری‌لری سانی کوپه‌یگن. «ایچکی و تشقی مشتری‌لریمیز بار؛ باش ییل‌گه نسبت شرکت بویورتمه‌لری کوپه‌یگن. قیزیققن‌لردن کوپینچه‌سی یاشلر دیر؛ دیزاین‌لریمیز هم یاشلر اوچون دیر و اولر کوپ خوش‌له‌یدیلر.»
باشقه بیر تاماندن، اوشبو ایکی یاش کوزگه کورینرلی درجه‌ده موفقیت‌لیککه ایریشگنی بیرحالده، بیراق اولر ترقیات و رواجلنیش یولی‌ده قیین‌چیلیک بیلن هم روپه‌ره بولگنلر. عبدالحبیب‌نینگ ایتیشیچه: «باش‌ده کوپینچه قیین‌چیلیک بار ایدی؛ مشتری یوق ایدی، بازار یوق ایدی، سرمایه یوق ایدی؛ بیراق خدا گه شکر حاضر ایش یخشی‌راق بولگن.»
بو بیلن بیرگه، یاش بیر تدبیرکار صفتیده فاطمه، شرکتی‌دن آی‌ده ۳۰-۶۰ مینگ افغانی قولگه کیلتیریشینی بیان قیله‌دی. «اورته شکلده آی‌ده ۳۰-۶۰ مینگ افغانی درآمد قولگه کیلتیره‌من. ییل‌ده هم ۵۰۰-۶۰۰ مینگ افغانی بوله‌دی. آی‌ده ۱۸-۲۰ مینگ افغانی اوزیم‌گه قاله‌دی.»
بیزلرنینگ فیسبوک صحیفه‌میزگه باش اورینگ!
اقتصادی مسئله‌لر بوییچه ایش بیلرمان‌لر‌نینگ ایتیشلریچه، تدبیرکارلیک و خلاقیت نه فقط عایله‌لر اقتصادی وضعیتی یخشی‌لنیشی‌گه سبب بوله‌دی؛ بلکیم مملکت اقتصادی رواجلنیشی‌گه هم ایجابی تاثیر قیله آله‌دی.
اقتصادی مسئله‌لر بوییچه ایش بیلرمان عبدالوافی نایب‌زی‌نینگ ایتیشیچه، اهالی‌نینگ خلاقیتی عایله‌لر و حتا مملکت اقتصادی یخشی‌لنیشی‌ده ایجابی رول اوینه‌یشی ممکن. «انه شوو کیشی دیر که اهالی تشکیل بوله‌دی؛ عایله‌دن جمعیت تشکیل بوله‌دی و شونینگدیک انه شوو جمعیت مملکت اقتصادینی شکل‌لنتیره‌دی. عایله اقتصادی توزه‌تیلگنی صورت‌ده، مملکت اقتصادی هم توزه‌له‌دی.»
ایتیش کیره‌ک که، کوشانیان تقینچاق توزه‌تیش شرکتی، موفق ایش نمونه‌لریدن دیر که اوشبو ایکی یاش، قیزیقیش و سعی‌وحرکت بیلن کیچیک بیر فکر‌نی موفق بیر برند گه اوزگرتیره آلگن. مذکور یاشلر نه فقط کسب‌وکار‌نی یولگه قویگنلر؛ بلکیم شو کبی یول‌‌دن باریش ایسته‌گیده بولگن یاشلر گه الهام بیرووچی‌لر.
