بیرینچی مراتبه، مجارستان باش وزیری ویکتور اوربان ریاستیده، اوشبو مملکت پایتختی بوداپست شهریده تورک دولتلری تشکیلاتی رهبرلرینینگ نارسمی ییغیلیشی باشلنگن.
تورک دولتلری تشکیلاتی، بوگون (۳۱-ثور، چهارشنبه) ایکس صحیفهسیده، ایکّی کونلیک ییغیلیش، بوداپست میزبانلیگی بیلن باشلنگنینی معلوم قیلگن.
بیزلرنینگ فیسبوک صحیفهمیزگه باش اورینگ!
اوشبو ییغیلیشده، تورک دولتلری تشکیلاتی گه اعضا مملکتلر اینیقسه تورکیه، اۉزبېکستان، قزاقستان، آذربایجان و قزاقستان دولت رهبرلری اشتراک اېتگنلر. اولر منطقهدهگی احوال و بو تکشیلات گه اعضا مملکتلر اورتهسیدهگی مناسبتلر مستحکملنیشی حقیده بحث اېتگنلر.
بو ییغیلیشده چیقیش قیلگن تورکیه دولت رهبری رجب طیب اردوغان، دنیا مقیاسیده دوام اېتیب کېلهیاتگن احوال طفیلی، اۉز چېگرهلریدن نریراق فکر قیلیب و اۉز ارا همکارلیکلرینی کېنگهیتیریش حقیده تأکید اېتگن.
بیزلرنینگ «ایکس» ترماغی ده هم تعقیب قیلینگ!
اوشبو تشکیلات بیرینچی مراتبه میلادی ۲۰۰۶-ییلده اوشه وقتدهگی قزاقستان جمهور باشلیغی نورسلطان نظربایف تامانیدن تکلیف قیلیندی و نهایت میلادی ۲۰۰۹-ییلده آذربایجان میزبانلیگی اۉتکزیلگن ییغیلیشده تشکیل بولدی.
تورکیه، اۉزبېکستان، قزاقستان، آذربایجان، قرغیزستان بو تشکیلاتنینگ اصلی اعضالری و مجارستان، تورکمنستان و شمالی قبرس اېسه ناظر صفتیده اعضا دیر و مرکزی ادارهسی استانبولده.
