اسلام امیرلیگی فواید عامه وزیرلیگی، سنبله آییده تیمیر یوللری آرقهلی ۴۲۱ مینگ ۷۰۰ متریک تُن توار آلیش بیریش- بولگنیدن خبر بیردی.
فواید عامه وزیرلیگی سۉزلاوچیسی محمداشرف حقشناس، ۳-میزان، پنجشنبه کونی ایکس صحیفهسیده بیر بیانیه ترقهتیب، اوشبو مقدار توار قویاش ۱۴۰۴-ییل، سنبله آیی دوامیده تیمیر یوللری آرقهلی آلیش-بیریش بولگنینی معلوم قیلدی.
بیانیه گه کوره، حیرتان بندری آرقهلی ۲۹۴ مینگ ۴۸۱ متریک تُن، آقینه بندری آرقهلی ۱۹ مینگ ۸۹۸ تُن، تورغندی بندری آرقهلی ۵۴ مینگ ۴۶۲ تُن و خواف-هرات بندری آرقهلی ۵۲ مینگ ۸۶۰ تُن توار، آلیش-بیریش بولگن.
اوشبو آیده افغانستان تیمیر یوللری آرقهلی صادر قیلینگن بیر مینگ ۹۴۶ تُن توارنینگ کوپ قسمینی قوریق میوه، انار سووی و گوریچ تشکیل بیرگنی ایتیلگن.
بوندن آلدین، فواید عامه وزیرلیگی سۉنگی بیر هفته ایچیده افغانستان تیمیر یوللری آرقهلی ۹۵ مینگ ۳۶۹ متریک تُن توار آلیش-بیریش بولگنینی معلوم قیلگن اېدی.
فواید عامه وزیرلیگیگه کوره، تیمیر یوللریدن صادرات و وارداتنینگ کوپهیگنی، کوپینچه ایش فرصتلری یرهتیلیشی، ملی درآمد کوپهیشی، اقتصادی برقرارلیک، رواجلنیش و خودکفالیک فرصتلری یرهتیلیشیگه سبب بولهدی.
