افغانستانده انسان حق‌لری ایرکین کمیسیونی، هندو و سیک‌لرنینگ توپلب شکلده مملکت نی ترک قیلیشی‌دن خواطر بیلدیریب و حکومتدن قومی و مذهبی اقلیت‌لرنینگ حقوقلریدن حفاظت قیلیشی‌نی سوره‌گن.
بوگون “چهارشنبه” اوشبو کمیسیون تامانیدن نشر قیلینگن اعلامیه‌ده ایتیلیشیچه، اوشبو قوم‌لر حق‌لریدن جدی و تاثیرلی شکلده محافظت قیلیش کیره‌ک.
مذکور کمیسیون نینگ ایتیشیچه، افغانستانده هندو و سیک‌لر اضطراری وضعیتده قرار تاپگنلر.
انسان حق‌لری بوییچه ایرکین کمیسیون نینگ ایتیشیچه، ملی و خلق ارا قانون‌لرگه کوره، افغانستان حکومتی، اقلیت‌لرنینگ حقوقلریدن مراقبت قیلیش‌گه تعهدلی دیر.
مذکور کمیسیون، اعلامیه نینگ بیر بولیمیده مملکتده دوامی بولگن اوروش نینگ توخته‌تیلیشی‌نی سوره‌گن.
انسان حق‌لری ایرکین کمیسیونی تامانیدن نشر قیلینگن گزارش‌گه کوره، غزنی ولایتیده بولگن هندو و سیک‌لر مملکت‌نی ترک قیلماقده‌لر.
هندو و سیک‌لردن ایکی گروهی اوتگن بیر آی جریانیده افغانستان نی ترک قیلیب هندوستان‌گه بارگن بیرچاغده، انسان حق‌لری بوییچه ایرکین کمیسیونی بو وضعیتدن خواطر بیلدیرگن.