چین ده هوشمند تلیفون‌لرنی ایشلب چیقره‌دیگن آنر «Honor» شرکتی‌نینگ اعلام قیلیشیچه، اوز دستگاه‌لریده صنعی هوش تکنالوژی‌سی رواجلنیشی مقصد، کیله‌سی بیش ییل‌ده ۱۰ میلیارد دالر سرمایه یاتقیزیشی ممکن.
بیزلرنینگ «ایکس» ترماغی ده هم تعقیب قیلینگ!
اوشبو شرکت باش مدیری جیمز لی، ۱۲-حوت، یک‌شنبه کونی بارسلونا ده اوتکزیلگن خلق‌ارا موبایل کورگزمه‌سی‌ده ایتیشیچه، چین‌نینگ شنژن شهری‌ده جایلشگن اوشبو شرکت، اصلی هوشمند تلیفون‌لرنی ایشلب چیقریش‌دن صنعی هوش‌گه ایگه بولگن بیر قطار سیستم‌لرنی ریجه‌لشتیرماقده.
چین ده صنعی هوش کوزگه کورینرلی درجه‌ده رواجلنیشی بیرحالده، بو توغریده آنر شرکتی آرقه‌لی سرمایه یاتقیزیلیشی اعلام بولگن.
بیزلرنینگ فیسبوک صحیفه‌میزگه باش اورینگ!
صنعی هوش‌نینگ رواجلنیشی و بو توغریده اهالی‌نینگ قیزیقیشی سببی، دیپ‌سیک «DeepSeek» شرکتی‌نینگ قیمتی آزلیگی و کوپینچه تیل مودل‌لریگه ایگه بولگنی دیر که نتیجه‌ده، شرکت‌لر و تورلی نهادلر اوز محصوللریده دیپ‌سیک تکنالوژیسی‌دن فایده‌لنیش یا-ده صنعی هوش توغریسیده کوپینچه تدقیقات قیلیش توغریسیده سعی‌وحرکت قیلماقده‌لر.
