قصر هرات سوداگرلیک مرکزی مسئوللری نینگ ایتیش‌لریچه، بوگون (شنبه، ۲۷-جوزا) ایرتنگ چاغی مذکور سوداگرلیک مرکز‌ده برق شارتی‌سی نتیجه‌سیده یوز بیرگن یانغین‌ده، هر بیر دوکان‌دار گه قریب ۲۰-۳۰ مینگ دالر زیان ییتیشگن.
مذکور سوداگرلیک مرکزی مسئولی صفات‌الله مولوی‌زاده نینگ سلام‌وطندار گه ایتیشیچه، یانغین نینگ اوچیریش اوچون امنیتی کوچلر نینگ سعی و حرکت قیلگنی بیلن، بیراق برچه دوکان‌لر یانگن دیر.
بیزلرنینگ فیسبوک صحیفه‌میزگه باش اورینگ!
مولوی‌زاده نینگ کوپه‌یتیریشیچه: «مارکیت ایچیده‌گی خدمه‌لر برق کیتیب و برق نینگ باغلنگنی‌دن کیین آیسکریم ساتیله‌دیگن یخ‌چال‌لردن بیری نینگ پارتلگنی نی کورگنلر که، شوو رقم یانغین برچه ییر گه ییتیشگن؛ بیراق یانغین نی وقتی‌ده اوچیره آلمه‌گنلر.»
شونده‌ی بیرحالده، هرات سوداگرلیک بیرلشمه رئیسی عبدالودود فیض‌زاده، اوشبو واقعه نی قیغو‌لی عنوان قیلیب و ایتیشیچه، دوکاندارلر برچه توارلری نی قرض پولی بیلن آلگن ایکن‌لر که، هییت بیره‌می نینگ یقین بولیشی بیلن ایش‌لری یخشی ایکن؛ بیراق «یانغین اولر گه زیان ییتیشتیرگن. اسلام امیر‌لیگی‌دن دوکاندارلر نینگ قیته ایش‌لری گه باریش‌لری اوچون، بو توغریده توجه قیلیش‌لری نی ایسته‌یمیز.»
دوکان‌لری یانگن دوکان‌دارلردن قطاری نینگ ایتیش‌لریچه، برچه نرسه‌لری نی قولدن بیرگنلر. قصر هرات سوداگرلیک مرکزی‌ده‌گی دوکان‌دارلردن بیری فرهاد نینگ ایتیشیچه: «حکومتی مسئوللر کیلیب یانغین نی کوردیلر. اهالی نینگ دردی نی بیلیش‌لری کیره‌ک. دوکاندارلر نینگ بار و یاغی انه‌شوو دوکان‌لریده‌گی سرمایه‌لری دیر. بو ییرده ینگی‌لیکده کیلیب ایش گه باشلگن کیشی‌لر هم بار.»
شونینگدیک برچه توارلری یانگن دوکان‌دارلردن باشقه بیری علی‌احمد، حکومت تامانیدن مالی یاردم بیریلیشی نی ایسته‌گن.
بیزلرنینگ توییترده هم تعقیب قیلینگ!
هرات مرکزی کسل‌خانه‌سیده‌گی مسئوللر نینگ ایتیش‌لریچه، اوشبو یانغین‌ده اوت اوچیرووچی ایشلاوچیلردن تورت‌ته‌سی و اوشبو ولایت یشاوچیلریدن بیش ته‌سی زهرلنگن و وقتی‌ده کسل‌خانه گه ییتیشتیریلیب و درمان آستیده قرار تاپگنلر.
ایتیش کیره‌ک که، قصر هرات سوداگرلیک مرکزی‌ده یوز بیرگن یانغین قریب ۶ ساعت دوام تاپگنی‌دن کیین، اوت اوچیرووچی تیم‌لری نینگ همکارلیگی بیلن اوچیریلگن.
