هرات محلی مسئوللری نینگ ایتیشلریچه، بوگون (چهارشنبه، ۱۹-میزان)، هرات ده ینه بیر مرته کوچلی زلزله یوز بیرگن.
مذکور زلزله بوگون ایرتنگ چاغی ساعت ۰۵:۱۲ اطرافیده یوز بیریب، تلفات و زیان هم ییتیشتیرگن دیر.
بیزلرنینگ «ایکس» ترماغی ده هم تعقیب قیلینگ!
دستلبکی گزارش‌لر اساسیده، هرات ولایتی رباط سنگی تومنی نینگ «بغرچر» قیشلاغی و انجیل تومنی نینگ دشت حوض منطقه‌سیده جایلشگن «چاهک» ساحه‌سی، زلزله عاقبتیده ویران بولگن.
هرات حوزه‌وی کسل‌خانه رئیسی برات معین نینگ سلام‌وطندار گه ایتیشیچه، مذکور زلزله عاقبتیده حاضرگچه ۸۰ یره‌دار کسل‌خانه گه انتقال بیریلگن.
شونینگدیک بوندن آلدین هرات حوزه‌وی کسل‌خانه‌سیده باشقه بیر منبع نینگ سلام‌وطندار گه ایتیشیچه، یالغیز هرات شهری اطرافیده، بیر جسد و ۵۵ یره‌دار مذکور کسل‌خانه گه انتقال بیریلگن.
امریکا نینگ زلزله نی انیقلش اداره‌سی گزارشی اساسیده، بوگون ایرتنگ چاغی هرات ده اوچ زلزله یوز بیرگن که، چقورلیگی ۱۰ کیلومتر بولگن ۶.۳ درجه ریشترلیک بیرینچی زلزله، هرات ولایتی شمال‌غربی‌ده رباط سنگی تومنی نینگ ۲۸ کیلومترلیگیده ایکن.
بیزلرنینگ فیسبوک صحیفه‌میزگه باش اورینگ!
محلی منبع‌لر نینگ ایتیشلریچه، مذکور زلزله فراه، نیمروز و بادغیس ده سیزیلگن دیر.
هرات ده یوز بیرگن بیرینچی قانلی زلزله‌دن کیین، اوشبو ولایت‌ده باشقه نیچه زلزله هم یوز بیرگن.
