هرات و فاریاب ولایتلریده یوز بیرگن ترافیکی حادثه نتیجه‌سیده، ایکی کیشی اولیب و بیش کیشی ایسه یره‌لنگن.
هرات ده محلی مسئوللر نینگ ایتیشلریچه، دوشنبه کونی، ۲-میزان هرات شهریگه کیریش یولی (میرداوود دروازه‌سی) ده یوز بیرگن ترافیکی حادثهده، بیر کیشی اولیب و بیش کیشی ایسه یره‌لنگن.
بیزلرنینگ «ایکس» ترماغی ده هم تعقیب قیلینگ!
هرات امنیه قوماندانلیگی سوزلاوچیسی غلام‌نبی نبی‌زاده، اوشبو حادثه سببی نی یوک تاشووچی موتر نینگ بریک‌لری درست ایشلمسلیگی عنوان قیلیب و ایتیشیچه، مذکور موتر کابل دن هرات تامان حرکت‌ده بولگن نیچه موتر بیلن توقنشگن.
هرات امنیه قوماندانلیگی سوزلاوچیسی نینگ کوپه‌یتیریشیچه، مذکور ترافیکی حادثه عاقبتیده، میرداوود دروازه‌سی نینگ بیر بولیمی هم ویران بولگن.
شونده‌ی بیرحالده، فاریاب ولایتی ترافیک اداره‌سی نینگ حادثه‌لر بوییچه آمری احمدفهیم کوهی نینگ ایتیشیچه، اوتگن کونی اوشبو ولایت نمبر۱ قتناو یولیده بیر موتر نینگ سرک‌دن چیقیب و چپه بولگنی نتیجه‌سیده، بیر کیشی اولگن.
بیزلرنینگ فیسبوک صحیفه‌میزگه باش اورینگ!
جناب کوهی نینگ کوپه‌یتیریشیچه، اوشبو حادثه فاریاب ولایتی مرکزی میمنه شهری‌دن اندخوی تومنی تامان حرکت‌ده بولگن «تیلری» رسوملی ایکّی موتر نینگ مسابقه قیلگنلری نتیجه‌سیده یوز بیریب و هیداوچیلردن بیری اولگن.
ایتیلیشچه، مذکور حادثه یوز بیرگنی‌دن کیین ساحه‌دن قاچگن ایکینچی تیلری موتر هیداوچیسی، شیرین‌تگاب تومنی‌ده قولگه آلینگن.