هرات حوزه‌وی کسلخانه مسئوللری، اوتگن کون یوز بیرگن زلزله عاقبتیده یره‌لنگنلر نینگ درمان‌لنیشی مقصد، اوشبو ولایت‌ده‌گی برچه عیال شفاکارلردن مذکور کسلخانه گه قیتیشلری نی ایسته‌گن.
ایتیلیشچه، هرات ده زلزله یوز بیرگنی طفیلی مذکور ولایت حوزه‌وی کسل‌خانه‌سیده شاشلینچ حالت دیر و اوشبو کسل‌خانه‌ده شفاکار کم‌لیگی سبب، برچه عیال شفاکار و ساغلیق‌نی سقلش ایشلاوچیلریدن، یره‌دارلر نینگ درمان‌لنیشی اوچون هرات حوزه‌وی کسل‌خانه‌سی گه قیتیشلری نی ایسته‌گن.
بیزلرنینگ فیسبوک صحیفه‌میزگه باش اورینگ!
بوندن آلدین، هرات حوزه‌وی کسل‌خانه‌سیده عیال شفاکارلر و ساغلیق‌نی سقلش ایشلاوچیلری نینگ، اوشبو کسل‌خانه‌ده ایشلشی تقیقلنگن ایدی.
هرات حوزه‌وی کسل‌خانه‌سیده مسئوللر نینگ ایتیشلریچه، اوتگن کون یوز بیرگن زلزله عاقبتیده، حاضرگچه ۱۸۰ جسد و ۵۰۰دن آرتیق یره‌دار مذکور کسلخانه گه انتقال بیریلگن.
مسئوللر، اوتگن کون (شنبه، ۱۵-میزان)، یوز بیرگن زلزله قربانی‌لری سانی کوپه‌یشی خصوصیده آگاه‌لنتیرگنلر.
بیزلرنینگ «ایکس» ترماغی ده هم تعقیب قیلینگ!
میدیالردن قطاری بیرلشگن ملت‌لر تشکیلاتی‌دن نقل قیلیب، مذکور زلزله عاقبتیده اولگنلر سانی نی ۳۲۰ و یره‌دارلر سانی نی یوزلب کیشی دیب خبر بیرگنلر.
باشقه بیر تامان‌دن تشقی ایشلر وزیرلیگی یشاوچیلر نینگ هرات ولایتی زنده‌جان تومنی‌ده دیوارلر آستیدن قوتقریش اوچون، یاردم بیرووچی تشکیلات‌لردن عاجل یاردم ایسته‌گن ایدی.
