کانلر و پترولیم وزیرلیگی سرپرستی هدایتالله بدری، ایرانده کانلر موادی خلقارا کورگزمهسی آچیلیش مناسبتی بیلن اۉتکزیلگن مراسمده، افغانستان ثباتلی مملکت گه ایلنگن و سرمایه یاتقیزیش اوچون یخشی امکانیتلر یرهتیلگنینی معلوم قیلگن.
کانلر و پترولیم وزیرلیگی، بوگون (۳۰-ثور، سهشنبه) بیر بیانیه ترقهتیب، اوشبو مراسمده ایران کانلر وزیرلیگی اورین باسری، کانلر موادی تدقیقاتی مرکز باشلیغی و خصوصی شرکتلردن بعضیلرینینگ وکیللری اشتراک اېتگنلرینی بیلدیرگن.
بیزلرنینگ فیسبوک صحیفهمیزگه باش اورینگ!
بدری اۉز نطقیده، اسلام امیرلیگی قۉشنی مملکتلرنینگ تجربهلریدن فایدهلنیب و افغانستان کان منبعلریدن یخشی فایدهلنیش اوچون سعی-حرکت قیلماقدهلیگی گه تأکید اېتگن.
شونینگدیک، کانلر و پترولیم وزیرلیگی سرپرستی کورگزمه تورلی بولیملری و لیتیوم ایشلب چیقریش بیر ایشخانهنی کوزهتیب و خصوصی شرکتلرنی افغانستانده سرمایه یاتقیزیش گه ترغیب قیلگن.
بیزلرنینگ «ایکس» ترماغی ده هم تعقیب قیلینگ!
کانلر وزیرلیگینینگ معلوماتی اساسیده، ایران رسمیلری هم همکارلیکلرینی کېنگهیتیریش و افغانستانده سرمایه یاتقیزیش گه تأکید اېتگنلر.
اسلام امیرلیگی کانلر و پترولیم وزیرلیگی سرپرستی، اوتگن کون بیر هیئت باشچیلیگیده کانلر ساحهسیده بیلرمانلر و تدقیقاتچیلر خلقارا ایکّینچی کورگزمهسیگه اشتراک اېتیش مقصدی بیلن، ایران گه بارگن.
