اسلام امیرلیگی ساغلیقنی سقلش وزیرلیگینینگ اعلام قیلیشیچه، اوتگن ییلی جمعیت بوییچه ساغلیقنی سقلش کونگیللیلری افغانستان بویلب ۱۷ میلیوندن آرتیق عایلهگه طبی خذمتلرنی کورستگن.
اوشبو وزیرلیکنینگ بوگون (۲۴-قوس، دوشنبه)، اکس صحیفهسیده بیر بیانیه آرقهلی یازیشیچه، جمعیت بوییچه ساغلیقنی سقلش کونگیللیلریدن قطاری گه «جمعیت سطحیده ایشلاوچیلر فعالیتلرینی تشویق قیلیش و تیکشیریش» عنوانیده بیر کونلیک تعلیمی برنامه اوتکزیلگن.
ساغلیقنی سقلش وزیرلیگیگه کوره، اوتگن بیر ییلده جمعیت بوییچه ساغلیقنی سقلش کونگیللیلری مرکب توغیشلرنی باشقریش یانیده، یشاوچیلرگه تورلیخیل خذمتلرینی هم کورستگنلر.
ساغلیقنی سقلش وزیرلیگی طبی خذمتلری بوییچه معینی عبدالولی حقانینینگ اورغولشیچه، طبی خذمتلر پاکتلرینینگ تیزلیک بیلن کوریب چیقیلیشی و ینگیلنیشی ممکن. حقانی، ساغلیقنی سقلش کونگیللیلریدن ساغلیق سیستمی یخشیلنیشی اوچون سعیوحرکتلرینینگ دوام بیریشلرینی سورهگن.
بوندن آلدین ساغلیقنی سقلش وزیرلیگی، مرکز و ولایتلرده ۳۰ مینگدن آرتیق ساغلیقنی سقلش خادملرینینگ کونگیللی شکلده طبی خذمت کورسهتیشلری و اولردن یریمینینگ عیاللر تشکیل بیرگنینی معلوم قیلگن ایدی.
