خلقارا ساغلیقنی سقلش تشکیلاتینینگ شرقی مدیترانه بوییچه منطقه باشلیغی حنان بلخیگه کوره، افغانستان ده قریب تورت میلیون کیشی -جمعیتدن ۱۰فایزی- بنگیوار مادهلر طفیلی قیینچیلیکلردن اذیت چیکماقده.
بلخی، بوگون (۱۱-سرطان، چهارشنبه)، اکس صحیفهسیده یازیشیچه، کابل ده عیاللر و بالهلر گه مخصوص بنگیوار مادهلرنی ترک قیلیش بوییچه ۱۰۰ اورینلی مرکزنی کوریب چیققن.
بیزلرنینگ «ایکس» ترماغی ده هم تعقیب قیلینگ!
خلقارا ساغلیقنی سقلش تشکیلاتی شرقی مدیترانه بوییچه منطقه باشلیغینینگ اورغولشیچه، بنگیوار مادهلر گه چلینگن کیشیلرنی دوالش اوچون بیر قطار مرکزلر بولگنی بیرحالده، شونینگدیک افیون مادهلری اورنیده خذمتلر کورسهتیلیشی ضرور دیر.
اونینگ یازیشیچه: «اوشبو دوالنیش مرکزنی کوریب چیقیش جریانیده، صحبت قیلگنیم عیاللرنینگ کوچی و چیدملریدن تاثیرلندیم. اولرنینگ هر بیری اوز حیاتینی عزت بیلن قیته قوره یاتگن ایدی.»
بیزلرنینگ فیسبوک صحیفهمیزگه باش اورینگ!
شونینگدیک حنان بلخی، توقیزینچی سرطان اکس صحیفهسیده افغانستان گه اوچینچی مرته سفر قیلگنینی یازگن ایدی. او مذکور سفرده ساغلیقنی سقلش رسمیلری بیلن هم اوچرهشگن.
بوندن آلدین، ساغلیقنی سقلش وزیرلیگی افغانستان ده بنگیوار مادهلرگه چلینگن کیشیلر سانی توغریسیده مکمل بیر رقمنی بیان قیلمهی، اوتگن اوچ یریم ییلده بنگیوارده ماده گه چلینگن ۸۰ مینگ کیشی اعتیادنی ترک قیلیش دورهسینینگ اوتکزگنینی ایتگن ایدی.
