اسلام امیرلیگی باش وزیری اداری اورین باسری عبدالسلام حنفینینگ ایتیشیچه، اسلام امیرلیگی باشقه مملکتلر برابریده افغانستان توپراغیدن فایدهلنیش اوچون هیچ بیر کیشی یا-ده گروه گه رخصت بیرمهیدی.
بیزلرنینگ فیسبوک صحیفهمیزگه باش اورینگ!
ارگ، بوگون (۳۰-جوزا، جمعه)، اکس صحیفهسیده بیر بیانیه آرقهلی یازیشیچه، عبدالسلام حنفی بو موضوعنی چین–جنوبی آسیا توقیزینچی کورگزمهسیده قیلگن نطقیده بیان قیلیب و کوپهیتیریشیچه، اسلام امیرلیگی هیچ بیر مملکتنینگ ایچکی مسئلهلریگه ارهلشمهیدی و شونینگدیک باشقه مملکتلردن هم بو کبی یاندهشیشنی ایستهگن.
اسلام امیرلیگی باش وزیری اداری اورین باسرینینگ اورغولشیچه، افغانستان چین و جنوبی آسیا مملکتلری بیلن کانلرنی قازیب چیقریش، انرژی، ترانزیت، تکنالوژی و سوداگرلیک بولیملریده کینگ کولملی همکارلیک قیلیشگه قیزیققن.
بیزلرنینگ «ایکس» ترماغی ده هم تعقیب قیلینگ!
عبدالسلام حنفی، ۲۷-جوزا، سهشنبه کونی، بیر هیئت باشچیلیگیده، چین–جنوبی آسیا توقیزینچی فورمی و کورگزمهسیگه اشتراک ایتیش و چین رسمیلری بیلن مذاکره قیلیش مقصدیده بو مملکت گه کیتگن.
