خلقارا ییتکرمهلرنینگ گزارش بیریشیچه، ینگی موردده حماس گروگه آلینگن اسرائیللیکلردن بیرینینگ جسدینی خلقارا قیزیل خاچ کمیتهسی آرقهلی اسرائیل رسمیلریگه تاپشیرگن.
شونینگدیک اسرائیل باشوزیری ادارهسی هم بیر بیانیه آرقهلی ایتیشیچه، گروگه آلینگنلردن بیرتهسینینگ جسدینی خلقارا قیزیل خاچ کمیتهسی آرقهلی قولگه کیلتیرگنلر.
گزارش اساسیده، حاضرگچه گروگه آلینگن اسرائیللیک باشقه آلتی جسد نوار غزه گه قالگن. گروگه آلینگنلرنینگ جسدلری قیته تاپشیریلیشی حماس و اسرائیل آرهسیده آتیش کیسین کیلیشوودهگی اختلافلی مسئلهلردن حسابلنهدی.
اسرائیل، جسدلردن برچهسینینگ تاپشیرمسلیک بیلن آتیش کیسیننی نقض قیلیش گه عیبلهگن؛ بیراق حماسنینگ ایتیشیچه، غزه ده کینگ کولملی ویرانلیکلر و جسدلرنینگ تاپشیریلیشی و ییرلر قازیلیشی اوچون آغیر ماشینلر کیریتیلیشیگه اسرائیلنینگ چیکلاولری سبب، اختریش جریانی جدی قیینچیلیک بیلن روپهره بولگن.
