حماس‌نینگ سیاسی اداره‌سی باشلیغی اورین‌باسری خلیل حیه، غزه ده آتیش کیسین برقرار بولیشی اوچون مصر و قطر تامانیدن تقدیم ایتیلگن تکلیف بیلن اوشبو جنبش‌نینگ کیلیشگنی‌نی اعلام قیلگن.
رویترز آژانسی‌نینگ گزارش بیریشیچه، خلیل حیه بو موضوع‌نی اوتگن کونی خبری بیر ییغیلیش‌ده بیان قیلیب و اسرائیل‌نینگ آتیش کیسین ضعیف‌لنیشی‌گه سبب بولمسلیگی توغریسیده امید‌وارلیک قیلگن. «مصر و قطر واسطه‌چی‌لری تامانیدن قولگه کیلتیرگنی‌میز تکلیف بیلن ایجابی یانده‌شیب و اونی قبول قیلدیک.»
بیزلرنینگ فیسبوک صحیفه‌میزگه باش اورینگ!
مصر و قطر ایکی کون آلدین حماس گه ینگی آتیش کیسین تکلیفی‌نی تقدیم قیلگنلر که اونینگ اساسیده، حماس هر هفته گروگه آلینگن بیش اسرائیل‌لیک‌نی آزاد قیله‌دی.
ایکی کون آلدین خلق‌ارا ییتکرمه‌لر، مصر آرقه‌لی غزه ده آتیش کیسین برقرار بولیشی اوچون اسرائیل قیزیقیشی‌دن ایجابی علامت‌لر قولگه کیلگنی‌دن گزارش بیرگنلر.
بیزلرنینگ «ایکس» ترماغی ده هم تعقیب قیلینگ!
لیکن اسرائیل باش وزیری بنیامین نتانیاهو اداره‌سی‌نینگ اعلام قیلیشیچه، بو مملکت واسطه‌چیلر تامانیدن تقدیم ایتیلگن تکلیف حقیده مصلحت‌لشیب و امریکا بیلن هماهنگ‌لیک‌ده اولرگه باشقه بیر تکلیف‌نی شریک قیلگن.
اسرائیل و حماس آره‌سیده‌گی آتیش کیسین کیلیشووی بیرینچی باسقیچی، ۱۵ آی اوروش‌دن کیین جاری میلادی ییل ۱۹-جنوری عمل‌گه آشیریلگن؛ بیراق اونینگ کیین‌گی باسقیچی باشلنیشی اوچون مزاکره‌لر باشلنمه‌ی و اسرائیل غزه گه هجوم‌لرینی قیته باشله‌گن.
