بیرلشگن ملتلر تشکیلاتی باشکاتبی آنتونیو گوترش، اسرائیل آرقهلی غزهنینگ محاصره بولگنی و انسانی بحران دوام قیلگنیگه قرشی عکسالعمل بیلدیریب، حاضرگی وضعیتنی «وحشیلیک و انسانیت گه قرشی» دیگن.
گوترش، بوگون (۲۷-ثور، شنبه)، اوز اکس صحیفهسیده یازیشیچه، غزه ده آچرچیلیک و محاصره سیاستی دوام قیلگنی، اسرائیل تامانیدن خلقارا قانونلرنی «مسخره» قیلیش دیر. او ینه بیر مرته انسان سیورلیک یاردملر توختهتیلگنینینگ تیزلیک بیلن یکونلنیشیگه اورغولهگن.
بیزلرنینگ «ایکس» ترماغی ده هم تعقیب قیلینگ!
گوترش خلقارا همجمعیتنینگ عاجل اقداملری نیازلیگیگه تاکیدلب ایتیشیچه: «بو اخلاقی انیقلیک و عملی حرکت وقتی دیر.»
غزه گه اسرائیل هجوملری دوام قیلهیاتگنی بیرحالده، بیرلشگن ملتلر تشکیلاتی و یاردم بیرووچی نهادلر، خذمت کورستیش و ساغلیقنی سقلش آستقورمهلرینینگ بوتونلی یوق بولیشیدن خبر بیرگنلر. میلیونلرچه فلسطینلیک اینیقسه عیاللر، بالهلر و یرهلنگنلر، آزیق-آوقت، دارو باشپنهگه ییترلی شکلده قول تاپه آلمهی و یامان بیر وضعیتده قرار تاپگنلر.
بیزلرنینگ فیسبوک صحیفهمیزگه باش اورینگ!
بوندن آلدین، بیرلشگن ملتلر تشکیلاتی، غزه ده محاصره و انسانسیورلیک یاردملر ییتکزیلیشی توغرسیدهگی چیکلاولر دوام قیلگنی، میلیونلب کیشینینگ جدی آچرچیلیک خوفی آستیده قرار بیریشیدن آگاهلنتیرگن ایدی.
اسرئیل، جاری میلادی ییل ۲-مارچده غزه گه انسانسیورلیک یاردملر یوباریلیشینی توختهدی که بو اقدام، خلقارا اینیقسه بیرلشگن ملتلر تشکیلاتینینگ عکسالعمللری بیلن روپهره بولگن.
