بیرلشگن ملتلر تشکیلاتی باش کاتبی آنتونیو گوترشنینگ ایتیشیچه، نوار غزه ده خبرچیلر اولیم، آوارهلیک و قحطچیلیک خوفی بیلن روپهره دیر.
گوترش، اوتگن کون کیچ قورون (۱۰-قوس، دوشنبه)، اکس صحیفهسیده یازیشیچه، غزه دهگی خبرچیلر اهالی روپهره بولگن قیینچیلیکلر، تهدیدلر و خوفلرنی تجربه قیلماقده.
بیرلشگن ملتلر تشکیلاتی باش کاتبی، نوار غزه ده خبرچیلرنینگ روپهره بولگن تهدیدلریگه اشاره قیلیب و اورغولشیچه، اولر اساسی ایشلرینی «ارهلشوو، قورقیتیش یا-ده زیان بولمسدن» عملگه آشیریش امکانیتیگه ایگه بولیشلری کیرهک.
الجزیره خبری ترماغینینگ معلوماتی اساسیده، اسرائیل و حماس آرهسیده اوروش باشلنگنیدن حاضرگچه، نوار غزه ده ۲۷۰ خبرچی و ییتکرمه ایشلاوچیسی اولدیریلگن.
خبرچیلرنینگ تلفات رقمی آشیشی خلقارا کینگ کولملی عکسالعمللرگه سبب بولیب و ییتکرمهلرنی قوللب-قوتلش نهادلر، نیچه مرته توقنشوولر جریانیده خبرچیلردن حمایت بولیشی و امنیتی تضمینلنیشینی ایستهگن.
