بیرلشگن ملتلر تشکیلاتی باش کاتبی آنتونیو گوترش، هندوستان و پاکستان آرهسیدهگی کیسکینلیکلر کوچهیگنیدن خواطر بیلدیریب و ایتیشیچه، حربی ییچیم، توغری و معقول یول ایمس.
گوترش، (۱۵-ثور، دوشنبه)، اکس صحیفهسیده یازیشیچه، هندوستان و پاکستان آرهسیدهگی کیسکینلیک سونگی ییللرده اینگ یوقاری درجهگه ییتگن.
بیزلرنینگ فیسبوک صحیفهمیزگه باش اورینگ!
او، ۲۲-اپریل ۲۶ سیاحتچینینگ اولیمی گه سبب بولگن هندوستاننینگ کشمیر و جامو ایالتیده جایلشگن پهلگام منطقهسیگه اویوشتیریلگن هجومنی قارلب، ینگی دهلی و اسلامآباد آرهسیدهگی وضعیتنی «حساس» دیگن. بیرلشگن ملتلر تشکیلاتی باش کاتبیگه کوره، حربی ییچیمدن فایدهلنیش قولی بیر شکلده کنترلدن چیقیشی ممکن.
منطقه و دنیا مملکتلری هندوستان بیلن پاکستان آرهسیدهگی کیسکینلیکنینگ کوچهیشیدن خواطرده بولگنلری بیر پیتده، پاکستان اردوسی موفقیتلی راکته سیناوینینگ اوتگزگنینی اعلام قیلگن. بو هندوستان بیلن کوچهیب بارهیاتگن ضدیتلر آرهسیده اوشبو مملکت تامانیدن اوتکزیلگن ایکینچی راکته سیناوی دیر.
پاکستان اردوسینینگ بیانیهسی اساسیده، اوشبو ییرمه-ییر راکته ۱۲۰ کیلومتر مسافهنی باسیب اوتیش قوتیگه ایگه دیر.
بیزلرنینگ «ایکس» ترماغی ده هم تعقیب قیلینگ!
شونینگدیک ایران تشقی ایشلر وزیری عباس عراقچی، یکشنبه کونی شام چاغی رسمی بیر سفرده پاکستان گه باریب، مذکور مملکت جمهور باشلیغی، باش وزیری و تشقی ایشلر وزیری بیلن اوچرهشیشی ممکن. بو سفر هندوستان بیلن کیسکینلیکلر حقیده صحبت قیلیش مقصد عملگه آشیریلگن.
شونینگدیک عراقچی اوشبو هفته جریانیده هندوستان گه سفر قیلیب و بو مملکت رسمیلری بیلن اوچرهشیشی ممکن.
