بیرلشگن ملتلر تشکیلاتی باشکاتبی آنتونیو گوترشنینگ ایتیشیچه، اسرائیل و فلسطین اورتهسیدهگی اوروش، اخلاق، حقوق و سیاسی نقطهی نظریدن قبول بولمهگن بیر نرسه دیر.
او، بوگون ایرتهلب اکس صحیفهسیده یازیشیچه، اسرائیل و فلسطین آرهسیدهگی اوروشنینگ توختهتیلیشی کیرهک. «غزه ده اوروش قبول بولمهگن بیر نرسه دیر و بو دهشت توختهتیلسین.»
بیرلشگن ملتلر تشکیلاتی باشکاتبی، دنیا رهبرلریدن فلسطین ده ایکی دولتلی ییچیمنی عملگه آشیریش اوچون برچه امکانیتلردن فایدهلنیشلرینی سورهگن.
حماس و اسرائیل آرهسیدهگی اوروشدن قریب ایکی ییل بولگن و بو مدتده بیرلشگن ملتلر تشکیلاتی نیچه مرته غزه ده اوروش توختهتیلیشینی ایستهگن.
غزه ده اوروش توختهتیلیشی و ایکی دولتلی ییچیمدن حمایت قیلیش اوچون ینگی بیر اقدام ده، ۱۰ ته اروپا مملکتی فلسطیننی مستقل بیر مملکت اولهراق تن آلگنی بیرحالده، بو ایستهکلر بیان بولگن.
