یېتکرمهلرنینگ معلوماتی گه کوره، قزاقستان پایتختی آستانه شهریده، ۱۵ قووتدن سکرهماقچی بولگن قیز قوتقریلگن.
آستانه شهریده روی بیرگن واقعه اهالی آرهسیده کتته حیرت اویغاتدی – قوتقرووچیلر اۉزینی بلند قووتدن تشلهماقچی بولگن یاش قیزنی حیات گه قیتریب آلیشگن.
معلوماتلر گه کوره، واقعه آستانه شهری حدودلریگه قرهشلی ایمانبایوه کوچهسیده جایلشگن کوپ قووتلی تورر جایده یوز بیرگن. تیزکار خذمتیگه شخصنینگ اۉز جانیگه قصد قیلیش نیتی حقیده خبر بیریلگچ، قوتقرووچیلر بیر نیچه دقیقه ایچیده منزل گه یېتیب بارگن.
تیزکار گروه قۉشنی خانهدان آرقهلی یوقاری قووت گه کیریب بارگن و قیز بیلن صحبت اۉتکزه باشلهگن. صحبت دوامیده خادملر اونی تینچلنتیریشگه و وضعیتنی نظارت گه آلیشگه موفق بولیشگن. بیر نیچه دقیقه دوام اېتگن مرکب جریاندن سۉنگ، قیزنی قوتقریشگن.
قوتقریلگن یاش قیزنینگ حیاتی خوفسیز حالتده اېکنی معلوم قیلینگن. او شفاکارلر و روانشناسلر نظارتیگه تاپشیریلگن و حادثهنینگ سببلری هلیگچه انیقلنمهگن.
قزاقستان فوقالعاده وضعیتلر وزیرلیگی اهالینی بوندهی حالتلرده بیفرق قالمسلیککه و احتمالی خوف حالتلرینی زودلیک بیلن مخصوص رقم آرقهلی خبر قیلیشلرینی سورهگن.
