غزنی شهری یشاوچیلری، جاری قویاش ییلنینگ باش آلتی آییده، قریب ۴۰ میلیون افغانی عوضیگه ۱۵ مکتب و دینی مدرسهنی قوریب و قیته قورگنلر.
بو مدتده، اهالی غزنی ولایت معارف ادارهسی همکارلیگی بیلن، ۱۲ مکتب و اوچ دینی مدرسهگه ییر ساتیب آلیش، قوریش و قیته قوریش خرهجتلرینی تامین قیلگنلر.
بیزلرنینگ «ایکس» ترماغی ده هم تعقیب قیلینگ!
غزنی معارف ریاستی نشرات مدیری میاگل صدیقنینگ ایتیشیچه، مذکور پول یالغیز غزنی مرکزیده صرفلنگن. اونگه کوره، اوشبو مدتده یشاوچیلر غزنی ولایتینینگ بیر قطار تومنلریده مکتبلر قوریلیشی مقصد، باشقه اونلب میلیون افغانینی صرفلهگنلر.
جناب صدیقنینگ اورغولشیچه، بو کبی لایحهلرده اهالینینگ حصه قوشیشی، غزنی ده تعلیمی آستقورمهلر رواجلنیشی و تعلیمدن فایدهلنیش امکانیتی آشیشی توغریسیده مهم اورینگه ایگه دیر.
بیزلرنینگ فیسبوک صحیفهمیزگه باش اورینگ!
سونگی ییللرده، تورلی ولایتلرده یشاوچیلر مکتبلرگه بنا قوریب و بعضا ایسه مکتبلرگه درس اوسکونهلرینی یاردم بیرگنلر.
مکتبلرگه بنا یوقلیگی و کملیگی و تعلیمی امکانیتلر آزلیگی، افغانستاننینگ تعلیموتربیه سکتوری برابریدهگی اینگ جدی قیینچیلیکلردن دیر.
