آلمان مدافعه وزیری آنگرت کرامپ نینگ بیر مصاحبه‌ده ایتیشیچه، اوشبو مملکت حربی‌لرینی افغانستاندن چیقاریشینی آمریکا نینگ چیقیش برنامه‌سی مطابقتی‌ده انجام بیره‌دی.
آلمان مدافعه وزیری نینگ ایتیشیچه: «هردایم ایتگن‌میز بیرلیکده چیقه‌میز. مین منظم شکلده چیقیش‌گه طرفدارمن و بوگون بوتوغریده قرار قیلیش‌نی کوته‌من.» اونینگ ایتیشیچه، ناتو نینگ نهایی قراری خاص بیر تورت تامانلمه ییغیندن سونگ، اعلان ایتیلیشی ممکن.
بوندن آلدین تایمز کونده‌لیگی نینگ بیر گزارش آرقه‌لی اعلان قیلیشیچه، بریتانیا کمیده ۷۵۰ حربی‌سینی آمریکا بیلن بیرلیکده افغانستاندن چیقاره‌دی. اوشبو کونده‌لیکنی بیر منبع دن نقل قیلیب یازیشیچه، آمریکا حمایتی بولمه‌گن صورتده، اولر قیین‌چیلیک بیلن روپه‌ره بوله‌دی؛ چونکه آمریکا پایگاه‌لریگه متکی دیرلر .
آمریکا و طالبان ۲۰۲۰ – ییل فبروری آیی ده بیر شرطنامه امضا قیلدی و مذکور شرطنامه گه کوره، بوتون چیت‌ایللیک کوچلر ۱۴ آیی جریانیده افغانستان‌نی ترک قیلیش‌لری کیره‌ک. بیراق دویچه وله نینگ گزارشی‌گه کوره، طالبان گروهی تعهدلریگه صادق قالمه‌ی و می آیی دن سونگ، چیت‌ایللیک کوچلرگه قرشی هجوم‌لرینی باشلشدن آگاه‌لنتیرگن.
خبرچی‌لر بیلن صحبت اوتکزگن آمریکا ییریک مقام‌لریدن بیری نینگ ایتیشیچه: «اولر آمریکا نینگ چیقه‌دیگن حربی‌لرینی هجوم آستیگه قرار بیرگن حالده، جدی عکس‌العمل بیلن روپه‌ره بولیش‌لری ممکن.»
ایتیلیشیچه، حاضر ده هم ۱۳۰۰ آلمان‌لیک حربی افغانستانده موجود دیر و مذکور حربی‌لر افغانستان امنیتی و دفاعی کوچلریگه تعلیم و مصلحت بیریش بیلن شغللنه‌دیلر و سپتامبر آیی ده صورت تاپه‌دیگن چیقیش برنامه نینگ بو ماموریت‌گه نقطعه قویشی ممکن.
